
ایکسپریس نیوز کے مطابق ضلع کیچ کے علاقے تربت میں نامعلوم افراد نے فائرنگ کردی جس کے نتیجے میں چار مزدور اور ایک پولیس اہلکار جاں بحق ہوگئے، جاں بحق مزدوروں کا تعلق پنجاب کے علاقے مظفر گڑھ سے ہے اور جاں بحق پولیس اہلکار کا تعلق تربت کے علاقے نودز سے ہے۔
پولیس کے مطابق فائرنگ کا واقعہ گزشتہ شب پیش آیا، زخمی اور جاں بحق افراد کی لاشیں ٹیچنگ اسپتال تربت منتقل کردیں، پولیس کی ٹیم نے جائے وقوع پہنچ کر شواہد اکٹھے کیے اور ملزمان کی تلاش شروع کردی۔
تبصرے
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔