لاہور میں اسکول کے باہر سے طالب علم اغوا ویڈیو سامنے آگئی

تھانہ ستوکتلہ کی حدود سے طالب علم کو اغوا کرلیا گیا۔

اغوا کار اسکول کے سامنے سے طالب علم کو زبردستی کار میں بٹھا کرلے گئے۔ اغوا کاروں نے طالب علم پر تشدد بھی کیا۔

مسلح ملزمان نے طالب علم کی مدد کےلیے قریب آنے والے افراد کو اسلحہ دکھا کر ڈرایا دھمکایا۔ مغوی طالب علم کافی دیر تک مزاحمت کرتا رہا تاہم پولیس موقع پر نہیں پہنچی۔ اسلحے کے خوف سے قریب موجود شہری بھی اس کے قریب نہ آئے۔


لاہور پولیس نے واردات کا مقدمہ درج کرکے اغوا کاروں کی تلاش کے لیے شہر بھر میں الرٹ جاری کردیا ہے اور ملزمان کی گرفتاری کے لئے سی سی ٹی وی ویڈیوز سے مدد لی جارہی ہے۔

سوشل میڈیا پر زیر گردش اطلاعات کے مطابق نوجوان ارحم کو اپنے تایا کے قتل کیس کی پیروی کرنے پر مخالفین نے اغوا کیا۔ اغوا کاروں میں مصطفی اور منشا ٹلی شامل ہیں۔

[video width="848" height="480" mp4="https://www.express.pk/2023/10/whatsapp-video-2023-10-31-at-11.18.29-am-1698743585.mp4"][/video]