ٹی20 ورلڈکپ 2024 شعیب ملک نے ٹیم کیلئے اپنی دستیابی کا اعلان کرکے تہلکہ مچادیا

اگر بورڈ رابطہ کرتا ہے تو سال 2024 میں امریکا اور ویسٹ انڈیز میں شیڈول ٹورنامنٹ کیلئے دستیاب ہوں، ملک

ویب ڈیسک November 02, 2023

اگر بورڈ رابطہ کرتا ہے تو سال 2024 میں امریکا اور ویسٹ انڈیز میں شیڈول ٹورنامنٹ کیلئے دستیاب ہوں، ملک (فوٹو: ٹوئٹر)

قومی ٹیم کے آل راؤنڈر شعیب ملک نے ایک مرتبہ پھر آئی سی سی ٹی20 ورلڈکپ 2024 کیلئے باضابطہ طور پر اپنی دستیابی کا اعلان کرکے کرکٹ کی دنیا میں تہلکہ مچادیا۔

مقامی ٹی وی چینل کو دیئے گئے انٹرویو میں قومی ٹیم کے آل راؤنڈر شعیب ملک نے کہا کہ اگر بورڈ رابطہ کرتا ہے تو وہ سال 2024 میں امریکا اور ویسٹ انڈیز میں شیڈول ٹی20 ورلڈکپ کیلئے ٹیم کو دستیاب ہوں گے۔

انہوں نے کہا کہ میں 2024 میں پاکستان کیلئے ورلڈکپ جیتنا چاہتا ہوں، مجھے فٹنس کا کوئی مسئلہ نہیں، اتنا ہی فٹ ہوں جتنا ماضی میں تھا۔

مزید پڑھیں: ورلڈکپ؛ شعیب ملک کا بابراعظم سے کپتانی چھوڑنے کا مطالبہ

شعیب ملک نے 124 انٹرنیشل میچوں میں 31.21 کی اوسط سے 125.64 کےاسٹرائیک ریٹ کے ساتھ 2ہزار 435 رنز بنارکھے ہیں، سال 2021 میں انہوں نے آخری میچ بنگلادیش کے خلاف کھیلا تھا۔

قبل ازیں بھارت میں کھیلے جارہے آئی سی سی ورلڈکپ میں بھارت کے ہاتھوں بدترین شکست پر آل راؤنڈر شعیب ملک نے بابراعظم سے کپتانی چھوڑنے کا مطالبہ کیا تھا۔