مسلم ممالک اسرائیل سے تیل سمیت تمام تجارت روک دیں خامنہ ای

مسلم ممالک کو سوچنا چاہیے کہ اسرائیل غزہ میں شہری آبادی پر بم برسا رہا ہے، آیت اللہ خامنہ ای

ویب ڈیسک November 02, 2023

مسلم ممالک کو سوچنا چاہیے کہ اسرائیل غزہ میں شہری آبادی پر بم برسا رہا ہے، آیت اللہ خامنہ ای ، آیت اللہ خامنہ ای (فوٹو: فائل)

ایران کے سپریم لیڈر آیت اللہ علی خامنہ ای نے مسلم ممالک پر اسرائیل سے تجارت روکنے پر زور دیا۔

ایرانی سپریم لیڈر آیت اللہ خامنہ ای نے تہران میں طلبا کے اجتماع سے خطاب میں کہا کہ مسلمان ملکوں کو صیہونی ملک کے ساتھ اقتصادی تعاون نہیں کرنا چاہیے اور تیل اور خوراک کی برآمدات روک دینا چاہیے۔

آیت اللہ خامنہ ای نے برطانیہ ، فرانس اور امریکا پر تنقید کرتے ہوئے کہا کہ یہ ممالک فلسطین کے خلاف کھڑے ہیں۔ یہ صرف اسرائیلی حکومت کی بات نہیں مسلم ممالک کو بھی سوچنا چاہیے کہ غزہ میں شہری آبادی پر بم کون برسا رہا ہے۔

دوسری جانب ایران کے وزیر خارجہ حسین امیرعبداللہیان نے خبردار کیا ہے کہ اگر غزہ کی پٹی پر حملے جاری رہے تو اس کے سنگین نتائج ہوں گے۔

فلسطینی وزارت صحت کے مطابق اسرائیل کی بمباری سے اب تک 8 ہزار 500 فلسطینی شہید ہوچکے ہیں جن میں دو تہائی خواتین اور بچے شامل ہیں۔