دفاعی چیمپئین انگلینڈ ورلڈکپ 2023 سے باہر ہونے والی پہلی ٹیم بن گئی

گزشتہ روز آسٹریلیا نے انہیں 33 رنز سے شکست دی تھی

ویب ڈیسک November 05, 2023

گزشتہ روز آسٹریلیا نے انہیں 33 رنز سے شکست دی تھی (فوٹو: کرک انفو)

آئی سی سی ورلڈکپ میں آسٹریلیا سے شکست کا مزہ چھکنے کے بعد دفاعی چیمپئین انگلینڈ ورلڈکپ سے باہر ہونے والی پہلی ٹیم بن گئی۔

گزشتہ روز احمد آباد کے نریندر مودی اسٹیڈیم میں آسٹریلیا نے انگلینڈ کو 33 رنز سے شکست دیکر باضابطہ طور پر میگا ایونٹ سے باہر کردیا۔

انگلیںڈ کی دعوت پر آسٹریلیا نے پہلے بیٹنگ کرتے ہوئے مقررہ 50 اوورز میں 286 رنز بنا کر آؤٹ ہوگئی تھی، ہدف کے تعاقب انگلش شیر محض 49 ویں اوور میں 253 رنز بناکر ڈھیر ہوگئے۔ انگلینڈ کی جانب سے بین اسٹوکس 64 اور ڈیوڈ ملان 50 رنز بنا کر نمایاں رہے۔

مزید پڑھیں: ورلڈکپ؛ آسٹریلیا نے انگلینڈ کو 33 رنز سے شکست دے دی

دفاعی چیمپئین کی ایونٹ میں یہ مسلسل پانچویں شکست تھی، اس سے قبل انگلینڈ واحد میچ بنگلادیش کے خلاف جیتنے میں کامیاب ہوسکا۔

ٹورنامنٹ میں انگلینڈ نے ابتک 7 میچز کھیلے ہیں جس میں انہیں 6 شکستوں کا منہ دیکھنا پڑا ہے۔