راولپنڈی 9سالہ بچی سے زیادتی کرنے والا ملزم گرفتار
متاثرہ بچی کا میڈیکل پراسس کروایا گیا ہے، پولیس
وارث خان پولیس نے کارروائی کرتے ہوئے 9سالہ بچی سے زیادتی کرنے والے ملزم کو گرفتار کرلیا۔
متاثرہ بچی کی والدہ کی درخواست پر وارث خان پولیس نے مقدمہ درج کرکے ملزم محمد اعظم کو گرفتار کیا۔ متاثرہ بچی کا میڈیکل پراسس کروایا گیا ہے۔
مدعیہ مقدمہ کے مطابق ملزم محمد اعظم نے میری 9 سالہ بیٹی کو زیادتی کا نشانہ بنایا۔
ایس پی راول فیصل سلیم کا کہنا تھا کہ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے۔ بچوں اور خواتین پر تشدد، زیادتی اور ہراسمنٹ ناقابل برداشت ہے، ملوث ملزمان قانون کی گرفت سے نہیں بچ سکتے۔