شاہ رخ خان نے ’ڈنکی‘ کے دو نئے پوسٹر مداحوں کیلئے جاری کردیئے
اداکار نے کیپشن لکھا کہ ہم بالکل اسی طرح دکھ رہے ہیں جیسے راجو سر نے اپنے ’الو کے پٹھوں‘ کو امیجن کیا تھا
بالی وڈ سپر اسٹار شاہ رخ خان نے اپنی نئی فلم 'ڈنکی' کے دو نئے پوسٹر مداحوں کیلئے جاری کردیئے۔
انسٹاگرام پر پوسٹر شیئر کرتے ہوئے اداکار نے مزاحیہ انداز میں کیپشن لکھا کہ ہم بالکل اسی طرح دکھ رہے ہیں جیسے راجو سر نے اپنے 'الو کے پٹھوں' کو امیجن کیا تھا۔
شاہ رخ خان نے مداحوں کو مزید تجسس میں ڈالتے ہوئے لکھا کہ فلم کے کرداروں کے متعلق بہت کچھ شیئر کرنا ابھی باقی ہے۔
انہوں نے کیپشن میں مزید لکھا کہ 'ڈنکی' کا پہلا ٹیزر آچکا ہے اور فلم کرسمس کے موقع پر پوری دنیا میں ریلیز کی جائے گی۔
کنگ خان نے فلم کا ٹیزر جاری کرتے ہوئے لکھا تھا کہ یہ ایک سادہ سی کہانی ہے ان لوگوں کی جو اپنے خواب اور خواہشات پوری کرنا چاہتے ہیں۔