غزہ میں جاری اسرائیلی بربریت کے خلاف اور فلسطینی مسلمانوں کی حمایت میں ترکیہ کے شہر آدانا میں ریلی نکالی گئی جس میں سیکڑوں افراد شریک تھے۔

اس دوران ریلی کے شرکا نے اس ایئربیس پر دھاوا بولنے کی کوشش جہاں امریکی فوجی قیام پذیر ہیں، تاہم پولیس نے اس کوشش کو ناکام بنادیا۔

ترکیہ پولیس نے ریلی کے شرکا پر آنسو گیس کے گولے فائر کیے اور انہیں منتشر کرنے کے لیے واٹر کینن کا استعمال کیا۔

واضح رہے کہ یہ واقعہ اس وقت پیش آیا ہے جب امریکی وزیرخارجہ انتونی بلنکن غزہ پر گفت و شنید کرنے کے لیے انقرہ پہنچنے والے ہیں۔