پرینیتی چوپڑا نے دلی خواہشات کو سمجھنے کیلئے حضرت علی ؓ کا قول شیئر کردیا

پرینیتی چوپڑا نے اپنے آفیشل انسٹاگرام اکاوْنٹ پر اسٹوری میں ایک پوسٹ شیئر کی جس میں دلی خواہشات کو سمجھنے سے متعلق حضرت علی ؓ کا ایک قول تحریر تھا۔

بالی ووڈ اداکارہ نے حضرت علی ؓ کا یہ قول ''اگر آپ جاننا چاہتے ہیں کہ آپ کا دل کہاں ہے تو پھر یہ دیکھیں کہ جب آپ کا دماغ بھٹکتا ہے تو وہ کہاں جاتا ہے'' اپنی انسٹاگرام اسٹوری میں شیئر کیا۔

پرینیتی چوپڑا نے 24 گھنٹے پہلے یہ قول اپنی انسٹاگرام اسٹوری میں شیئر کیا تھا جوکہ اب وقت پورا ہونے پر غائب ہوگیا ہے لیکن اُن کی اسٹوری مداحوں کے دلوں کو چُھوگئی ہے اور سوشل میڈیا پر خوب وائرل ہورہی ہے۔

مزید پڑھیں: پرینیتی چوپڑا اور راگھو چڈھا کی شادی کی مکمل ویڈیو منظرِعام پر

واضح رہے کہ رواں برس 24 ستمبر کو پرینیتی چوپڑا نے عام آدمی پارٹی سے تعلق رکھنے والے معروف بھارتی سیاست دان راگھو چڈھا کے ساتھ ریاست راجستھان کے شہر اودے پور میں شاہی انداز میں شادی کی تھی، ان کی زندگی کے سب سے خاص دن میں اہلخانہ سمیت قریبی دوستوں نے شرکت کی تھی۔