پرابھاس اور شاہ رخ کا تصادم ٹل گیا سالار کی ریلیز ملتوی ہونے کا امکان
کنگ خان کی دو فلموں ’پٹھان‘ اور ’جوان‘ کے بے پناہ کامیابیوں نے ’سالار‘ میکرز کو تصادم سے بچنے پر مجبور کردیا
پرابھاس اور بالی وڈ کنگ شاہ رخ خان کا تصادم ٹل گیا، فلم 'ڈنکی' کے ساتھ تصادم سے بچنے کیلئے 'سالار' کی ریلیز ملتوی کرنے کا فیصلہ کیا گیا ہے۔
میگا تھرلر فلم 'سالار' کی ریلیز کیلئے 22 دسمبر کی تاریخ مقرر کی گئی جو پہلے ہی سے کنگ خان کی 'ڈنکی' کیلئے مختص تھی۔
کنگ خان کی دو فلموں 'پٹھان' اور 'جوان' کے بے پناہ کامیابیوں نے 'سالار' میکرز کو تصادم سے بچنے پر مجبور کردیا ہے اور وہ اب شاہ رخ خان سے مقابلہ نہیں کرنا چاہتے۔
بالی وڈ سپر اسٹار کی نئی فلم 'ڈنکی' کا مداحوں کو شدت سے انتظار ہے کیوں کہ اسے لیجنڈری فلمساز راج کمار ہیرانی بنارہے ہیں جو بالی وڈ کو متعدد بلاک بسٹر فلمیں دے چکے ہیں۔
دوسری طرف پرابھاس کی فلم کو بلاک بسٹر 'کے جی ایف' کے ڈائریکٹر پراشانت نیل بنارہے ہیں جب کہ انہی کی فلم 'کے جی ایف 2' کا تصادم بھی شاہ رخ خان کی فلم 'زیرو' سے ہوا تھا۔