کیا ’’ٹائم آؤٹ‘‘ پر وکٹ گنوانے والے میتھیوز نے فیصلہ واپس لینے کی اپیل کی تھی

ویسٹ انڈیز کے سابق کرکٹر اور کمنٹیٹر این بشپ کا بڑا دعویٰ سامنے آگیا

ویب ڈیسک November 07, 2023

ویسٹ انڈیز کے سابق کرکٹر اور کمنٹیٹر این بشپ کا بڑا دعویٰ سامنے آگیا (فوٹو: ایکسپریس ویب)

ویسٹ انڈیز کے سابق کرکٹر اور کمنٹیٹر این بشپ نے دعویٰ کیا ہے کہ بنگلادیش اور سری لنکا کے میچ کے دوران اینجیلو میتھیوز کو ''ٹائم آؤٹ'' پر قرار دینے پر لنکن کرکٹر نے شکیب الحسن سے فیصلہ واپس لینے کی اپیل کی تھی۔

آئی سی سی کی جانب سے ویڈیو شیئر کی گئی ہے جس میں کمنٹیٹر این بشپ بتارہے ہیں کہ سری لنکن کرکٹر اینجیلو میتھیوز نے بنگلادیشی کپتان شکیب الحسن سے اپیل کی تھی کہ وہ آؤٹ کا فیصلہ واپس لے لیں تاہم انہوں نے انکار کردیا۔

بعدازاں آن فیلڈ امپائرز ماریس ایراسمس اور رچرڈ ایلنگ ورتھ نے شکیب سے پوچھا کہ کیا وہ اپیل واپس لینا چاہتے ہیں لیکن بنگلادیشی کپتان نے ایسا نہیں کیا۔

مزید پڑھیں: اینجلو میتھیوز ''ٹائم آؤٹ'' پر وکٹ گنوانے والے پہلے کھلاڑی بن گئے

تنازع اسوقت ہوا جب سدیرا سمارا وکرامام کے آؤٹ ہونے کے بعد اینجلو میتھیوز بیٹنگ کے لیے میدان میں آئے لیکن ہیلمٹ میں خرابی کی وجہ سے دو منٹ کے اندر پہلی گیند کا سامنا نہ کر سکے جس پر بنگلہ دیش نے آؤٹ کی اپیل کر دی۔

بنگلادیشی کپتان شکیب الحسن کی اپیل پر امپائر نے طویل بحث کے بعد اینجلو میتھیوز کو ''ٹائم آؤٹ'' پر واپس میدان کے باہر بھیج دیا۔ اس طرح، اینجلو میتھیو بغیر کوئی گیند کھیلے آؤٹ قرار دیے گئے۔