ورلڈکپ انگلینڈ کیخلاف میچ سے قبل قومی ٹیم کو بڑا دھچکا لگ گیا

قومی کرکٹ ٹیم کے فاسٹ بولر حارث رؤف کو انگلینڈ کے خلاف میچ سے قبل انجری نے گھیر لیا۔

آئی سی سی ورلڈکپ میں قومی ٹیم کو کولکتہ کے ایڈن گارڈنز میں کھیلے جانے والے میچ سے قبل قومی ٹیم کو بڑا دھچکا لگا ہے، فاسٹ بولر حارث رؤف کی انجری کے باعث پلئینگ الیون میں شمولیت کے امکانات کم ہیں۔

فاسٹ بولر نیوزی لینڈ کے خلاف میچ کے دوران پسلی میں تکلیف کی وجہ سے میدان چھوڑ کر چلے گئے تھے، میچ کے اختتام پر حارث کے مقامی اسپتال میں ٹیسٹ کروائے گئے ہیں۔

مزید پڑھیں: حارث، شاہین ورلڈکپ تاریخ میں پاکستان کے مہنگے ترین بولر بن گئے

نیوزی لینڈ کے خلاف میچ کے دوران فاسٹ بولر دوسرے مہنگے ترین بالر ثابت ہوئے تھے انہوں نے 10 اوورز میں 85 رنز لٹائے تھے۔


مزید پڑھیں: ورلڈکپ؛ پاکستانی اسپنرز بری طرح ناکام، نیدرلینڈز بھی گرین شرٹس سے آگے

اس سے قبل شاداب خان جنوبی افریقہ کیخلاف میچ کے دوران کنکش کا شکار ہوئے تھے جبکہ انکی بھی انگلینڈ کے خلاف میچ میں شرکت غیر یقینی ہے۔

واضح رہے کہ پاکستان کے سیمی فائنل کھیلنے کے امکانات تاحال موجود ہیں، پوائنٹس ٹیبل پر قومی ٹیم کا پانچواں نمبر ہے تاہم سیمی فائنل میں جانے کے لیے گرین شرٹس ایک فتح کی دوری پر ہیں۔

مزید پڑھیں: اینجلو میتھیوز ''ٹائم آؤٹ'' پر وکٹ گنوانے والے پہلے کھلاڑی بن گئے

پاکستان کی سیمی فائنل میں پہنچنے کیلئے یہ دعا کرنا ہوگی کہ نیوزی لینڈ اور سری لنکا کے درمیان میچ میں سری لنکا کو فتح ملے، اگر کیویز جیتے تو پاکستان کو انگلینڈ کے خلاف بڑے مارجن سے کامیابی حاصل کرنا ہوگی۔