آئی سی سی رینکنگ شبمن گل نے بابراعظم سے پہلی پوزیشن چھین لی

بالرز میں بھارت کے محمد سراج نے بھی شاہین کو نمبر ون پوزیشن سے محروم کردیا

ویب ڈیسک November 08, 2023

بالرز میں بھارت کے محمد سراج نے بھی شاہین کو نمبر ون پوزیشن سے محروم کردیا (فوٹو: ایکسپریس ویب)

آئی سی سی ون ڈے رینکنگ میں بھارت کے شبمن گل نے کپتان بابراعظم سے پہلی پوزیشن چھین لی۔

آئی سی سی کے مطابق ون ڈے کے بیٹرز رینکنگ میں بابراعظم دوسرے نمبر پر چلے گئے جبکہ انکی جگہ اب بھارتی اوپنر شبمن گل نے پہلی پوزیشن پر براجمان ہوگئے ہیں۔

بھارتی بیٹر شبمن گل 830 ریٹنگ پوائنٹس کے ساتھ پہلی جبکہ کپتان بابراعظم 824 پوائنٹس کے ساتھ دوسرے نمبر پر آگئے ہیں، فہرست میں کوئنٹن ڈی کوک 771 پوائنٹس کے ساتھ تیسری، ویرات کوہلی 770 پوائنٹس کے ہمراہ چوتھی پویشن پر قابض ہیں۔

مزید پڑھیں: شیروانی اور زیورات کی خریداری؛ بابراعظم نے خاموشی توڑ دی

دوسری جانب بھارتی بالر محمد سراج نے شاہین شاہ آفریدی سے پہلی پوزیشن ہتھاتے ہوئے قبضہ جمالیا ہے، فاسٹ بولر 709 پوائنٹس کے ساتھ پہلی پوزیشن پر آگئے ہیں، قومی بولر شاہین شاہ آفریدی 658 ریٹنگ پوائنٹس کے ہمراہ پانچویں پوزیشن پر آگئے۔