عائزہ خان کا شوبز سے ’کنارہ کشی‘ کا اعلان حقیقت سامنے آگئی

عائزہ خان کی انسٹاگرام اسٹوری دیکھ کر اُن کے لاکھوں مداح کشمکش میں مبتلا ہوگئے

ویب ڈیسک November 10, 2023

عائزہ خان نے مداحوں کو کشمکش میں مبتلا کردیا: فوٹو انسٹاگرام

معروف اور خوبرو اداکارہ عائزہ خان نے اپنی حالیہ سوشل میڈیا پوسٹ کے ذریعے شوبز انڈسٹری کو خیرباد کہنے کی طرف اشارہ کردیا۔

حال ہی میں عائزہ خان نے اپنے آفیشل انسٹاگرام اکاوْنٹ پر ایک مبہم اسٹوری جاری کی، اُنہوں نے اپنے نئے آنے والے ڈرامہ سیریل "جانِ جہاں" کی ایک پوسٹ شیئر کی۔

عائزہ خان نے اپنی اس پوسٹ کے ساتھ انسٹاگرام اسٹوری میں ایک حیران کُن جملہ لکھا کہ "یہ میرا آخری پراجیکٹ ہے"۔

اداکارہ کی انسٹاگرام اسٹوری دیکھ کر اُن کے لاکھوں مداح کشمکش میں مبتلا ہوگئے اور سوشل میڈیا کی مختلف پوسٹس میں عائزہ خان سے مخاطب ہوتے ہوئے اس حوالے سے وضاحت مانگنا شروع کردی لیکن اُنہوں نے مداحوں کی بات کا کوئی جواب نہیں دیا۔

مزید پڑھیں: عائزہ خان اور حمزہ علی عباسی کی 10 سال بعد ایک ساتھ اسکرین پر واپسی

تاہم، مداح خود ہی دماغ پر زور لگاتے ہوئے عائزہ خان کی اسٹوری کی حقیقت سامنے لے آئے۔ دراصل عائزہ خان کی انسٹاگرام اسٹوری کے ایک کونے میں ' 2023 کا' لکھا تھا جس کا مطلب یہ ہے کہ ڈرامہ سیریل "جانِ جہاں" عائزہ خان کا رواں سال یعنی 2023 کا آخری پراجیکٹ ہے۔

واضح رہے کہ عائزہ خان اپنے ساتھی اداکار حمزہ علی عباسی کے ساتھ نئے ڈرامے ''جانِ جہاں'' میں اداکاری کے جوہر دکھائیں گی، مذکورہ ڈرامہ ردا بلال نے لکھا ہے اور اس کی ہدایات قاسم علی مرید نے دی ہیں جبکہ ڈرامے کی پروڈیوسرز ثمینہ ہمایوں سعید اور ثنا شاہنواز ہیں۔

مزید پڑھیں: عائزہ خان نے فلسطین کے بارے میں کی گئی پوسٹ ڈیلیٹ کردی

عائزہ خان 10 سال بعد اپنے مشہور ڈرامے 'پیارے افضل' کے ساتھی اداکار حمزہ علی عباسی کے ساتھ دوبارہ جلوہ گر ہوں گی۔