ترقیاتی مالیاتی ادارے جامع پروفائلز کا اشتراک کریں وزیر خزانہ

ترقیاتی مالیاتی ادارے کیپٹل مارکیٹ کی ترقی اور ترقی کے ممکنہ محرک ثابت ہو سکتے ہیں، ڈاکٹر شمشاد اختر

Numainda Express November 10, 2023

ترقیاتی مالیاتی ادارے کیپٹل مارکیٹ کی ترقی اور ترقی کے ممکنہ محرک ثابت ہو سکتے ہیں، ڈاکٹر شمشاد اختر (فوٹو: فائل)

نگران وزیر خزانہ شمشاد اختر نے کہا ہے کہ ترقیاتی مالیاتی ادارے جامع پروفائلز کا اشتراک کریں۔

نگران وفاقی وزیرخزانہ، محصولات اور اقتصادی امور ڈاکٹر شمشاد اختر نے چیئرمین ایس ای سی پی اورڈی ایف آئیزکے سربراہان کیساتھ ایک اجلاس کی صدارت کرتے ہوئے کہا ہے کہ مطلوبہ مہارت، استعداد اور لچک رکھنے والے ترقیاتی مالیاتی ادارے (ڈی ایف آئیز) کیپٹل مارکیٹ کی ترقی اور ترقی کے ممکنہ محرک ثابت ہو سکتے ہیں۔

یہ بھی پڑھیں: تمام اداروں نے آئی ایم ایف اہداف پرعملدرآمد کیا، وزیر خزانہ

اجلاس میں ترقیاتی مالیاتی اداروں کی جانب سے پرائیویٹ ایکویٹی اینڈ وینچر کیپٹل (PE&VC) فنڈ کے قیام پر پیش رفت کا جائزہ لیا گیا۔ وزیر خزانہ نے اس بات پر زور دیا کہ ترقیاتی مالیاتی ادارے کا کردار کمرشل بینکوں سے الگ ہے۔