اقوام متحدہ کی خیرسگالی سفیر اور آسٹریلوی اداکارہ کا غزہ میں جنگ بندی کا مطالبہ

اقوام متحدہ کی خیرسگالی سفیر نے حماس سے اسرائییلی یرغمالیوں کی رہائی کا مطالبہ بھی کیا، فوٹو: فائل

---

آسٹریلوی ادا کارہ اور اقوام متحدہ کے ہائی کمشنر برائے مہاجرین کی خیر سگالی سفیر کیٹ بلانشیٹ نے یورپی پارلیمنٹ سے خطاب میں کہا کہ انسانی ہمدردی کی بنیاد پر فوری طور پر غزہ میں جنگ بندی کی جائے۔

عالمی خبر رساں ادارے کے مطابق یورپی پارلیمنٹ میں تقریر کرتے ہوئے کیٹ بلانشیٹ نے غزہ میں اسرائیل حماس جھڑپ کے دوران ہلاکتوں اور تباہی پر گہری تشویش اور دکھ کا اظہار کیا۔

اقوام متحدہ ہائی کمشنر برائے مہاجرین کی خیر سگالی سفیر کیٹ بلانشیٹ حماس سے اسرائیلی یرغمالیوں کی فوری رہائی کا بھی مطالبہ کیا اور یورپی ممالک پر زور دیا کہ غزہ میں فوری جنگ بندی کے لیے اپنا کردار ادا کریں۔

Cate Blanchett calls for a ceasefire in Gaza:

"The conflict has claimed and is still claiming thousands of innocent lives. UNHCR's High Commissioner [...] calls for an immediate humanitarian ceasefire and the immediate release of all civilians held hostage." pic.twitter.com/MdsNfN7wNB

- Rina (@bbblanchett) November 8, 2023

اقوام متحدہ کی خیر سگالی سفیر اور اداکارہ کیٹ بلانشیٹ نے مزید کہا کہ غزہ میں لاکھوں افراد بے گھر ہوگئے اور محفوظ مقام کی تلاش میں ہیں۔ بچوں کی صحت، خوراک، پانی کا کوئی انتظام نہیں۔

کیٹ بلانشیٹ نے کہا کہ اس مسئلے کے حل تک پہنچنے کے لیے فوری جنگ بندی بے حد ضروری ہے۔ اس سے بے گھر افراد کو محفوظ مقام تک جانے کا موقع ملے گا اور بچوں تک خوراک، ادویات اور پانی پہنچ سکے گا۔

یاد رہے کہ اسرائیل کی ناکہ بندی کی وجہ سے غزہ میں پانی، خوراک اور ایندھن کی کمی کا سامنا ہے۔ اسپتال بند پڑے ہیں اور 6 لاکھ سے زائد افراد بے گھر ہیں جس پر عالمی قوتیں اسرائیل سے فوری سیز فائر کا مطالبہ کر رہی ہیں۔