جھگڑے کے دوران شوہر نے بیوی کو زخمی کردیا

شوہر نے خود کو بھی شدید زخمی کرلیا

Staff Reporter November 12, 2023

شوہر نے خود کو بھی شدید زخمی کرلیا

اورنگی ٹاؤن چشتی نگر میں گھریلو جھگڑے کے دوران شوہر نے تیز دھارآلہ کا وار کر کےبیوی کو زخمی کردیا اور بعدازاں اسی تیز دھارآلہ سے اپنی گردن پر وار کرکے خود کو شدید زخمی کرلیا۔

تفصیلات کے مطابق اقبال مارکیٹ تھانے کے علاقے اورنگی ٹاؤن چشتی نگر گلی نمبر 12 میں مکان نمبر اے 124 میں گھریلو جھگڑے کے دوران تیزدھار آلے کےوار سے میاں بیوی زخمی ہو گئے جنہیں فوری طور پرعباسی شہید اسپتال منتقل کردیا گیا.

زخمی شوہر کی شناخت 60 سالہ محمد مصطفیٰ ولد حیدر علی اور بیوی کی شناخت 45 سالہ خالدہ پروین کے نام سے کی گئی ، ایس ایچ او اقبال مارکیٹ شاہ فیصل نے بتایا کہ واقعہ گھریلو جھگڑے کے دوران پیش آیا،شوہر نے تیز دار آلہ سے وارکرکے پہلے اپنی بیوی کو زخٰمی کیا اوراس کے بعد اسی تیز دھار آلہ سے اپنی گردن پروار کرکے خود کوشدید زخمی کرلیا.

انھوں نے بتایا کہ زخمی شوہر بیماراور بے روز گار ہے اورزخمی شوہرنے اپنی بیوی کو آوازدے کربلایا تھا لیکن بیوی تک آواز نہیں پہنچی جس پر زخمی شخص مشتعل ہوکرپہلے تیز دھارآلہ سے اپنی بیوی کوزخمی کیا اور اس کے بعد خود کو بھی زخمی کرلیا ایس ایچ او نے بتایا کہ پولیس واقعے کے حوالے سے مزید تفتیش کر رہی ہے ۔