لاہور میں ذہنی معذور لڑکی سے زیادتی کے الزام میں 3 ملزمان گرفتار

کاجل نامی خاتون نے ذہنی معذور لڑکی آنچل کو اپنے گھر بلایا جہاں خاتون کے دیور نے دوستوں سے مل کر لڑکی سے زیادتی کی

---

کاہنہ پولیس نے کارروائی کرتے ہوئے ذہنی معذور لڑکی سے زیادتی کرنے والے 3 ملزمان کو گرفتار کرلیا۔

کاجل نامی خاتون نے ذہنی معذور لڑکی آنچل کو اپنے گھر بلایا جہاں خاتون کے دیور نے دوستوں سے مل کر لڑکی سے زیادتی کی۔ 20 سالہ آنچل کی حالت غیر یونے پر گھر والوں کو لڑکی سے زیادتی کا علم ہوا۔

ملزمان میں خاتون ملزمہ کاجل، دیور اشفاق، دوست اظہر شامل ہیں، جو متاثرہ لڑکی کے اہل خانہ کو ڈراتے دھمکاتے بھی رہے۔

ایس پی ماڈل ٹاؤن ڈاکٹر عمارہ شیرازی نے کہا ہے کہ دیگر ملزمان کی تلاش کے لیے خصوصی ٹیمیں بنا کر کارروائیاں جاری ہیں، خواتین کا استحصال کرنے والے کسی رعایت کے مستحق نہیں۔