کپل شرما شو اب کس پلیٹ فارم سے نشر ہوگا سامنے آگیا

’گھر بدلا ہے ، گھر والے نہیں‘ شو کے نئے پرومو میں کپل شرما کا پیغام

ویب ڈیسک November 14, 2023

کپل شرما شو میں بالی ووڈ کی مشہور شخصیات شرکت کرتی ہیں:فوٹو:فائل

بھارتی ٹی وی کی تاریخ کے کامیاب ترین شوز میں شامل ' دی کپل شرما شو' اب کس پلیٹ فارم سے نشر ہوگا سامنے آگیا۔

سوشل میڈیا پر کپل شرما شو کا نیا پرومو جاری کردیا گیا جس کے مطابق کامیڈین کپل شرما کا شو اب نیٹ فلکس سے نشرہوگا۔

پرومو میں شو کے میزبان کپل شرما کوایک نئے گھر میں گھومتے ہوئے دیکھا جا سکتا ہے۔ پرومو میں کپل شرما کی ٹیم کے ارکان ایک بعد ایک سامنے آ رہے ہیں جس پر کپل شرما حیرت کا اظہار کرتے ہیں۔

View this post on Instagram

A post shared by Netflix India (@netflix_in)

مشہور ٹی وی شو کے نئے پرومو کے آخر میں جب کپل شرما سے پوچھا جاتا ہے کہ کیا ان سب کو نئے گھر سے نکال دیا جائے تو وہ کہتے ہیں رہنے دو گھر بدلا ہے گھر والے نہیں۔

کامیڈی شو ' دی کپل شرما' کو پوری دنیا میں بہت پسند کیا جاتا ہے اور اس میں بالی ووڈ کی مشہور شخصیات شرکت کرتی ہیں۔ اس سے قبل کپل شرما شو ایک نجی بھارتی چینل سے نشر ہوتا تھا۔