دورہ آسٹریلیا امام الحق شادی کے باعث ٹریننگ کیمپ میں شرکت نہیں کریں گے

کینگروز کیخلاف تین میچوں پر مشتمل سیریز کا آغاز 14 دسمبر سے ہوگا

ویب ڈیسک November 14, 2023

کینگروز کیخلاف تین میچوں پر مشتمل سیریز کا آغاز 14 دسمبر سے ہوگا (فوٹو: فائل)

قومی کرکٹر امام الحق شادی کی تیاریوں کے باعث آسٹریلیا کیخلاف ٹیسٹ میچز کیلئے لگنے والے ٹریننگ کیمپ کا حصہ نہیں ہوں گے۔

میڈیا رپورٹس میں دعویٰ کیا جارہا ہے کہ قومی کرکٹ ٹیم کے اوپنر امام الحق شادی کی تقریبات کے باعث دورہ آسٹریلیا سے قبل لگنے والے ٹریننگ کیمپ کا حصہ نہیں ہوں گے۔

آسٹریلیا کے خلاف تین میچوں پر مشتمل ٹیسٹ کا کیمپ راولپنڈی میں 24 سے 27 نومبر تک لگے گا تاہم امام الحق کی شادی کی تقریبات 25 اور 26 نومبر کو شیڈول ہیں جسکی وجہ سے وہ ٹریننگ سیشن میں حصہ نہیں لے سکیں گے۔

مزید پڑھیں: امام الحق کا بھی دُلہا بننے کا فیصلہ، شادی کی تاریخ سامنے آگئی

امام الحق کا نکاح 25 نومبر 2023 بروز ہفتہ کو طے پایا ہے جبکہ اگلے روز لاہور میں دعوت ولیمہ کی تقریب منعقد ہوگی جس میں قومی ٹیم کے کھلاڑیوں اور کرکٹ سے وابستہ اہم شخصیات کی شرکت متوقع ہے۔