پاپ بینڈ ’جل‘ کے گوہرممتازکی ماڈل انعم سے منگنی ہوگئی

منگنی کی تقریب میں فنون لطیفہ سے وابستہ افراد کو مدعونہیں کیا گیا تھا۔ فوٹو فائل

---

پاکستان کے معروف پاپ بینڈ 'جل' کے روح رواں گوہرممتازکی اسلام آباد سے تعلق رکھنے والی ماڈل انعم احمد سے منگنی ہوگئی۔

منگنی کی رسم اسلام آباد کے فائیوسٹارہوٹل میں ہوئی جس میں گوہر ممتاز اورانعم احمد کی فیملی کے علاوہ قریبی عزیزو اقارب نے شرکت کی۔ منگنی کے موقع پر گوہر ممتاز نے سیاہ رنگ کا کوٹ پتلون پہن رکھاتھاجبکہ ان کی منگیتر انعم احمد نے گلابی رنگ کے لباس پہن رکھا تھا۔

اس موقع پرشریک لوگوں نے گوہراورانعم کو منگنی کی مبارکباد کے ساتھ نیک تمنائوں کا اظہارکیا۔ واضح رہے کہ منگنی کی تقریب میں فنون لطیفہ سے وابستہ افراد کو مدعونہیں کیا گیا تھا۔

گوہرممتاز کے قریبی ذرائع کے مطابق دونوں ایک دوسرے کو پسند کرتے تھے اوراسی لیے گوہراورانعم کی فیملی نے باہمی رضامندی کے ساتھ تاریخ فائنل کی تھی اوراب آیندہ برس شادی کی جائے گی۔