لاہور موٹروے پولیس نے 7 کروڑ کی ہیروئن برآمد کرکے دو ملزمان کو گرفتار کرلیا

ملزمان نے کار کو چھوڑ کر فرار ہونے کی کوشش کی، پٹرولنگ افسران نے تعاقب کے بعد گرفتار کرلیا، ترجمان موٹروے پولیس


ویب ڈیسک November 14, 2023
فوٹو: فائل

موٹروے پولیس نے کار سے 7 کروڑ سے زائد مالیت کی ہیروئن برآمد کرکے دو ملزمان کو گرفتار کرلیا۔

ترجمان موٹروے پولیس کے مطابق اینٹی نارکوٹکس فورس فیصل آباد نے موٹروے پولیس کو منشیات اسمگلنگ کی معلومات دی تھیں۔

موٹروے پولیس کے ڈی ایس پی خرم شاہ اور پٹرولنگ افسر عمران تبسم نے سیال موڑ کے قریب مشتبہ کار کو رکنے کا اشارہ کیا مگر ڈرائیور نے رکنے کی بجائے رفتار بڑھا کر فرار ہونے کی کوشش کی۔

موٹروے پولیس نے کار کا تعاقب کر کے فرار ہونے کی کوشش ناکام بنادی، کار سوار دو ملزمان کار چھوڑ کر کھیتوں کی جانب بھاگے مگر پٹرولنگ افسران نے تعاقب کر کے دونوں ملزمان کو گرفتار کر لیا۔ گرفتار اسمگلروں میں آساتم خان اور صدیق اکبر شامل ہیں۔

ترجمان موٹروے پولیس کے مطابق کار کی تلاشی لینے پر اعلی کوالٹی کی 7 کلو 795 گرام ہیروئن برآمد ہووئی جس کی انٹرنیشنل مارکیٹ میں مالیت 7 کروڑ روپے سے زائد ہے۔

موٹروے پولیس نے قانونی کارروائی کے بعد گرفتار ملزمان، برآمد شدہ ہیروئن اور کار کو اے ڈی اے این ایف، فیصل آباد کے حوالے کردیا۔

تبصرے

کا جواب دے رہا ہے۔ X

ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔

مقبول خبریں