اسرائیل کی حماس سربراہ اسماعیل ہنیہ کے گھر پر بمباری ویڈیو بھی وائرل کردی

حماس کی بحری فورس کے ہتھیاروں کے ذخیرے کو بھی تباہ کر دیا، اسرائیلی فوج کا دعویٰ

---

اسرائیل نے حماس کے سربراہ اور غزہ کے وزیراعظم اسماعیل ہنیہ کے گھر کو فضائی حملے میں مکمل طور پر تباہ کردیا جب کہ جارحیت پسند اسرائیلی فوج نے اس سفاکانہ عمل کی ویڈیو بھی شیئر کردی۔

عالمی خبر رساں ادارے کے مطابق اسرائیلی ڈیفنس فورسز اپنے سوشل میڈیا اکاؤنٹس پر ایک ویڈیو شیئر کی ہے جس میں ایک گھر پر فضائی حملہ ہوتے دکھایا گیا ہے۔ بمباری میں وہ گھر سیکنڈوں میں ملبے کا ڈھیر بن جاتا ہے۔

اسرائیلی ڈیفنس فورسز نے دعویٰ کیا کہ 162 ویں ڈویژن میں 215 ویں فائر بریگیڈ نے لڑاکا طیاروں سے حماس کے سربراہ اسماعیل ہنیہ کے گھر پر حملہ کرکے تباہ کردیا جو دہشت گردی کے مرکز کے طور پر استعمال کیا جاتا تھا۔

חטיבת האש 215 באוגדה 162 תקפה הלילה באמצעות מטוסי קרב את ביתו של איסמעיל הנייה, ראש הלשכה המדינית של ארגון הטרור חמאס ששימש כתשתית טרור ובין היתר כמקום מפגש עבור בכירי הארגון>> pic.twitter.com/eCwd4lmrFF

- צבא ההגנה לישראל (@idfonline) November 16, 2023

اسرائیلی فوج نے مزید کہا کہ اسماعیل ہنیہ کے اس گھر کو اسرائیلی شہریوں اور فوجیوں کے خلاف براہ راست دہشت گردانہ حملوں کی منصوبہ بندی کے لیے ''میٹنگ پوائنٹ'' کے طور پر استعمال کیا جا رہا تھا۔

اسرائیلی ڈیفنس فورسز کے مطابق کیمپ شٹی پر کارروائی کے دوران حماس کی بحری فورس کے ہتھیاروں کے ذخیرے کو بھی تباہ کر دیا۔

اس کے علاوہ چھاتہ بردار بریگیڈ کی لڑاکا ٹیم نے دہشت گردوں پر حملہ کیا اور مختلف ہتھیار دھماکا خیز بیلٹ، بیرل، آر پی جی میزائل، ٹینک شکن میزائل اور انٹیلی جنس دستاویزات تحویل میں لے لیں۔

כמו כן, צוות הקרב של חטיבת הצנחנים תקף מחבלים ואיתר אמצעי לחימה מגוונים, בהם: חגורות נפץ, חביות נפץ, טילי RPG, נ״ט ומסמכים מודיעינים pic.twitter.com/Yw6DWW2M9A

- צבא ההגנה לישראל (@idfonline) November 16, 2023

خیال رہے کہ حماس کے سربراہ اسماعیل ہنیہ 90 کی دہائی کے آخر میں عالمی منظرنامے پر آئے تھے اور 2004 میں عالم دین کے قتل سے قبل غزہ میں حماس کے بانی شیخ احمد یاسین کا دایاں بازو تھے۔

یہ خبر بھی پڑھیں : اسرائیل کی غزہ میں مسجد پر بمباری، 50 نمازی شہید

اسماعیل ہنیہ 2006 میں حماس کو فتح کے مقابلے میں کامیابی سے ہمکنار کرانے کے بعد فلسطینی وزیر اعظم منتخب ہوئے تھے اور 2017 میں حماس کے سربراہ بنے۔