بابراعظم کے کپتانی چھوڑنے پر کیوی بیٹر نے اپنے ردعمل کا اظہار کردیا

بورڈ نے بابراعظم کی جگہ شاہین کو ٹی20 جبکہ ٹیسٹ ٹیم کی قیادت شان مسعود کو سونپ دی (فوٹو: ایکسپریس ویب)

---

آئی سی سی ورلڈکپ میں ناقص پرفارمنس کے بعد کپتانی سے دستبردار ہونے والے قومی ٹیم کے بیٹر بابراعظم کے حوالے سے نیوزی لینڈ کے اوپنر راچن رویندرا نے اپنا پیغام جاری کردیا۔

سماجی رابطے کی سائٹ ٹوئٹر (ایکس) پر ٹوئٹ کرتے ہوئے لکھا کہ بابراعظم آپ ایک شاندار بلے باز ہیں، کپتانی سے دستبردار ہونا ایک دانشمندانہ اقدام ہے، اب اضافی دباؤ کے بغیر بطور کھلاڑی اپنی کارکردگی کو مزید نکھارنے اور ریکارڈ کو حیرت انگیز بنانے پر توجہ مرکوز رکھ سکتے ہیں۔

گزشتہ روز قومی ٹیم بیٹر بابراعظم نے ورلڈکپ میں ناقص کارکردگی کی بنیاد پر ٹیم کی قیادت سے دستبردار ہونے کا اعلان کیا تھا جبکہ بورڈ نے انکا استعفیٰ منظور کرلیا تھا۔

مزید پڑھیں: بابراعظم نے قومی ٹیم کی کپتانی چھوڑنے کا اعلان کردیا

پاکستان کرکٹ بورڈ (پی سی بی) نے ٹی20 کیلئے شاہین شاہ آفریدی جبکہ ٹیسٹ کی قیادت شان مسعود کے سپرد کردی تھی۔

You're an outstanding batsman, Stepping down from captaincy is a wise move; now, without the added pressure, you can focus on showcasing your incredible talent and making wonders as a player.#BabarAzam https://t.co/Wo4LKH7Ch5

- Rachin Ravindra (@RachinRavindraa) November 16, 2023