زرمبادلہ کے ذخائر میں 11 کروڑ 50 لاکھ ڈالرز کی کمی
دس نومبر کو زرمبادلہ کے سرکاری ذخائر 7 ارب 39 کروڑ 67 لاکھ ڈالر کی سطح پر آگئے، اسٹیٹ بینک کی ہفتہ وار رپورٹ
اسٹیٹ بینک آف پاکستان کی جانب سے جاری رپورٹ میں بتایا گیا ہے کہ ایک ہفتے کے دوران زرمبادلہ کے سرکاری ذخائر میں ساڑھے گیارہ کروڑ ڈالرز کی کمی ہوئی ہے۔
قومی مرکزی بینک نے 10 نومبر کو ختم ہونے والے ہفتے کی رپورٹ جاری کی، جس میں بتایا کہ ہے کہ 10 نومبر کو ختم ہونے والے ہفتہ کے دوران زرمبادلہ کے سرکاری زخائر 11 کروڑ 50 لاکھ ڈالر کم ہوگئے۔
ساڑھے گیارہ کروڑ ڈالرز کمی کے بعد زرمبادلہ کے سرکاری ذخائر 7 ارب 39 کروڑ 67 لاکھ ڈالر کی سطح پر آگئے جبکہ مجموعی ذخائر کی مالیت 12 ارب 53 کروڑ 55 لاکھ ڈالر کی سطح پر پہنچ گئی۔
اسٹیٹ بینک کے مطابق کمرشل بینکوں کے پاس 5 ارب 13 کروڑ 88 لاکھ ڈالر کے ذخائر موجود ہیں۔