بھارت میں دو چیتے گھروں میں گھس آئے ویڈیو وائرل

دونوں چیتوں کو 5 کلومیٹر کے دائرے میں ساوتا نگر اور گووند نگر میں دیکھا گیا تھا، فوٹو: فائل

---

بھارتی ریاست مہاراشٹر کے شہر ناسک میں دو خطرناک چیتے رہائشی علاقے میں گھس آئے اور شہری خوف زدہ ہوکر ادھر ادھر دوڑنے لگ گئے جس کی ویڈیو سوشل میڈیا پر وائرل ہوگئی۔

بھارتی میڈیا کے مطابق ناسک شہر کے پُررونق علاقے ساوتا نگر اور گووند نگر میں 5 کلومیٹر کے دائرے میں دو چیتے کھانے کی تلاش میں چہل قدمی کرتے ہوئے دیکھے گئے۔

دونوں چیتے پہلے گھروں میں داخل ہوئے جس سے مکین خوف زدہ ہوکر گھر بار چھوڑ کر بھاگ کھڑے ہوئے۔ تلاش بسیار کے باوجود کھانے کو کچھ نہ ملا تو چیتے گلیوں اور مارکیٹ میں آن دھمکے۔

Rescue operation is going on from the forest department after seeing two leopards in Nashik city of Maharashtra, success has been achieved in capturing one leopard, the race for the second leopard is also going on from the forest department. pic.twitter.com/a7QX1CGJLO

- Bharat Ghandat (@GhandatMangal) November 17, 2023

چیتوں کو نزدیک دیکھ کر شہریوں کی چیخیں نکل گئیں اور دوڑ لگادی۔ بھگدڑ مچنے سے 5 سے زائد شہری زخمی بھی ہوئے۔ خوش قسمتی سے دونوں چیتوں نے کسی کو نقصان نہیں پہنچایا۔

محکمہ جنگلات اور وائلڈ لائف نے ساوتا نگر میں دیکھے گئے چیتے کو پکڑ لیا تاہم گووند نگر میں دیکھے گئے چیتے کی تلاش جاری ہے۔

Video: Panic In Nashik As 2 Leopards Enter Homes, Roam In Streets https://t.co/BafXFzF9Ht pic.twitter.com/PH0vaBHypg

- NDTV (@ndtv) November 17, 2023

یاد رہے کہ چند ہفتوں قبل بنگلورو کی سڑکوں پر ایک چیتے کو دیکھا گیا تھا جو شہریوں پر حملے کر رہا تھا۔ چار دن کی تلاش کے بعد چیتا مل گیا لیکن اسے پکڑنے کے لیے اہلکاروں کو گولی چلانا پڑی۔ چیتے نے اسپتال میں زخموں کی تاب نہ لاتے ہوئے دم توڑ دیا تھا۔