کراچی میں سی ٹی ڈی اہلکار شہریوں کو تاوان کے لئے اغوا کرنے میں مصروف

ایک اغوا کار شخص نے رہائی ملنے کے بعد ویڈیو بیان جاری کر کے اہلکاروں کا پول کھول دیا

Staff Reporter November 19, 2023

ایک اغوا کار شخص نے رہائی ملنے کے بعد ویڈیو بیان جاری کر کے اہلکاروں کا پول کھول دیا

سی ٹی ڈی اہلکار مبینہ طور پر تاوان کے لئے شہریوں کو اغوا کرنے میں مصروف ہیں ، ایک اغوا کار شخص نے رہائی ملنے کے بعد ویڈیو بیان جاری کر کے اہلکاروں کا پول کھول دیا۔

سہراب گوٹھ کے رہائشی گل محمد نامی شہری نے اپنے مبینہ ویڈیو بیان میں کہا ہے کہ دو روز قبل بورڈ آفس کے قریب سادہ لباس پولیس اہلکاروں نے اسے اور اس کے دوست کو اغوا کیا اور 3 لاکھ 33 ہزار روپے کے تاوان وصول کر کے رہا کیا۔

گل محمد نے اپنے بیان میں بتایا کہ جمعہ کو میں اور میرا دوست محمد نور موٹرسائیکل پہ جا رہے تھے کہ بورڈ آفس کے قریب موٹرسائیکل میں پیٹرول ڈلوانے کے لئے رکے ، اچانک ایک پولیس موبائل اور موٹرسائیکلوں پر سادہ لباس افراد ہمارے پاس آکر رکے۔

سادہ لباس اہلکاروں نے قمیض سے ہمارا منہ ڈھانپ کر ہمیِں اغوا کر لیا ، بعد میں ہم دونوں دوستوں کو الٹا لٹا کر ہم پر بہت تشدد کیا ، پہلے ہم سے کہا گیا تھا کہ گھر والوں سے فون کر کے 30 لاکھ منگواؤ پھر تین لاکھ روپے منگوانے کا کہا ورنہ دھمکی دی کہ ہینڈ گرنیڈ کے کیس میں بند کردینگے ۔

مبینہ متاثرہ شخص نے اپنے بیان میں بتایا کہ وہاں موجود ایک سادہ لباس اہلکار نے اسے بتایا تھا کہ یہ سی ٹی ڈی گارڈن ہے جبکہ گھر سے جو دوست رقم لایا تھا اسے سی ٹی ڈی گارڈن میں پیسے لانے کا کہا گیا تھا ، پیسے ملنے کے بعد اہلکاروں نے ہمیں کہا یہاں سے جلدی چلے جاؤ اور ایسے جانا جیسے کسی سی ملنے آئے تھے ، گل محمد کا کہنا تھا کہ اگر اغوا کاروں کو سامنے آنے پر شناخت کر لے گا ۔

[video width="480" height="864" mp4="https://c.express.pk/2023/11/whatsapp-video-2023-11-19-at-2.44.20-am-1700379835.mp4"][/video]