بھارت کی ہار پر ڈھاکہ میں بنگلادیشی طلباء کا بھرپور جشن ویڈیو وائرل

’’خون تو پاکستانی ہے‘‘ سوشل میڈیا صارفین کے تبصرے

ویب ڈیسک November 20, 2023

’’خون تو پاکستانی ہے‘‘ سوشل میڈیا صارفین کے تبصرے (فوٹو: فائل)

آئی سی سی کرکٹ ورلڈ کپ کے فائنل میں بھارت کی آسٹریلیا کے ہاتھوں شکست پر ڈھاکہ میں بھی جشن منایا گیا۔

بنگلا دیش کی ڈھاکہ یونیورسٹی کے ہزاروں طلباء نے بھارت کی ہار پر خوب جشن منایا جس کی ویڈیو سوشل میڈیا پر وائرل ہوئی ہے۔

یاد رہے کہ 1971 میں بھارت کی براہ راست مداخلت سے مشرقی پاکستان بنگلہ دیش بن گیا تھا جبکہ بنگلہ دیش کی موجودہ وزیراعظم شیخ حسینہ واجد کی حکومت کو بھارت نواز سمجھا جاتا ہے۔

#BREAKING

The mass celebration of "India's defeat" will be held at TSC, Dhaka University, #Bangladesh.

Thousands gathered to cheer India's loss against #Australia in the #WCFinal, expressing support for their team even if Vatican city plays against #India.#INDvsAUS... pic.twitter.com/BXGudz3mTR

- South Asian Perspective (@SAnPerspective) November 20, 2023

بنگلا دیش کے طلباء نے بھارت کی ہار پر جس انداز میں جشن منایا وہ اس بات کو ظاہر کرتا ہے کہ بھارت طاقت کے بل بوتے پر چند افراد کو تو اپنا ہمنوا بنا سکتا ہے لیکن بنگلادیشی عوام کے دل میں اُس کیلئے کوئی ہمدردی نہیں ہے۔

مزید پڑھیں: بھارتی شائقین کی آسٹریلوی بیٹر کی بیوی اور ایک سالہ بیٹی کو ریپ کی دھمکیاں

سوشل میڈیا پر ایک صارف نے وائرل ویڈیو پر تبصرہ کرتے ہوئے لکھا کہ ''خون تو پاکستانی ہے ناں'' جبکہ ایک اور صارف کا کہنا تھا کہ مودی کی متعصبانہ غلطیاں پوری دنیا میں بھارت کے لیے شدید نفرت کا باعث بن رہی ہیں۔

یاد رہے کہ آسٹریلیا نے گزشتہ روز بھارتی شہر احمد آباد کے نریندر مودی کرکٹ اسٹیڈیم میں کھیلے گئے آئی سی سی کرکٹ ورلڈ کپ کے فائنل میں بھارت کو چھ وکٹوں سے شکست دی تھی۔