امام الحق کی شادی کی تقریبات کا آغاز دلہن کی فوٹو سوشل میڈیا پر وائرل

قومی کرکٹ ٹیم کے اوپننگ بیٹر امام الحق کی شادی کی تقریبات کا آغاز ہوگیا۔

سماجی رابطے کی سائٹ انسٹاگرام پر اوپنر امام الحق کی ہونے والی اہلیہ کی مہندی کی تقریب کی تصاویر اور ویڈیوز سوشل میڈیا پر وائرل ہوگئیں۔
معروف ڈیزائنرحسن شہریار یاسین (ایچ ایس وائی) کے پیج سے امام الحق کی ہونے والی دلہن کی تصاویر شیئر کیں اور انہیں ٹیگ کیا گیا جبکہ کیپشن میں 'امام کی انمول' لکھا۔

اس پوسٹ میں امام الحق کو بھی ٹیگ کیا گیا، اس کے علاوہ یہ تصاویر فوٹوگرافر عزہ شاہین ملک نے بھی انسٹاگرام کی اسٹوری پر شیئر کیں۔

مزید پڑھیں: دورہ آسٹریلیا؛ امام الحق شادی کے باعث ٹریننگ کیمپ میں شرکت نہیں کریں گے

فوٹوگرافر کی شیئر کردہ تصاویر کی لوکیشن میں 'ناروے' لکھا گیا تھا جس کا مطلب یہ ہے کہ کرکٹر کی مہندی کی تقریب ناروے میں ہوئی۔ اس کے علاوہ ناروے کی ایک ایونٹ پلینر کمپنی 'ٹیلر میڈ ویژن' نے مہندی کی تقریب کی ویڈیو بھی شیئر کی۔

مزید پڑھیں: بھارتی بالر شامی کو اداکارہ پائل گھوش کی شادی کی مشروط پیشکش

کرکٹر کی شادی کی تقریبات کا باضابطہ طور پر آغاز 23 نومبر کو لاہور میں ہوگا، نکاح کی تقریب 25 نومبر بروز ہفتہ اور ولیمے کی تقریب 26 نومبر کو ہوگی۔


رپورٹس میں دعویٰ کیا جارہا ہےکہ 23 نومبر کو قوالی نائٹ بھی طے ہے جس میں بابراعظم، محمد رضوان، فخر زمان، شاداب خان کے علاوہ دیگر کھلاڑیوں کی آمد بھی متوقع ہے۔

View this post on Instagram

A post shared by HSY (@theworldofhsy)