امام الحق کے بعد فہیم کو بھی شادی کیلئے ٹریننگ سیشن سے چھٹی مل گئی

آل راؤنڈر کا ولیمہ بھی 26 نومبر کو طے ہے

ویب ڈیسک November 22, 2023

آل راؤنڈر کا ولیمہ بھی 26 نومبر کو طے ہے (فوٹو: ٹوئٹر)

قومی کرکٹر امام الحق کے بعد آل راؤنڈر فہیم اشرف کو بھی شادی کی تیاریوں کے سلسلے میں ٹریننگ سیشن میں حصہ نہ لینے کی اجازت مل گئی۔

دورہ آسٹریلیا کیلئے اعلان کردہ کھلاڑیوں میں اوپنر امام الحق اور آل راؤنڈر فہیم اشرف اسکواڈ کا حصہ ہیں تاہم دونوں کرکٹرز کو شادی کی تیاریوں کے سلسلے میں تربیتی سیشن میں حصہ نہ لینے کی اجازت دیدی گئی ہے۔

امام الحق شادی کی تقریبات کا باضابطہ طور پر آغاز 23 نومبر کو قوالی نائٹ سے ہوگا، بعدازاں نکاح کی تقریب 25 جبکہ ولیمہ 26 نومبر کو طے ہے۔

مزید پڑھیں: امام الحق کی شادی کی تقریبات کا آغاز، دلہن کی فوٹو سوشل میڈیا پر وائرل

دوسری جانب آل راؤنڈر فہیم اشرف کے ولیمے کا استقبالیہ بھی 26 نومبر کو پنجاب کے پھول نگر میں دوپہر کو طے ہے۔ بابراعظم، محمد رضوان، شاداب خان کے علاوہ کئی کرکٹرز کی فہیم کے ولیمے میں شرکت متوقع ہے۔

واضح رہے کہ دورہ آسٹریلیا کیلئے قومی ٹیم کا اسکواڈ 30 نومبر کو روانہ ہوگا، دونوں کرکٹرز روانگی سے قبل اسکواڈ کو جوائن کرلیں گے۔