نیدرلینڈز کیخلاف اگلے سال شیڈول سیریز ملتوی

پاکستان نے نیدرلینڈز کے خلاف اگلے سال شیڈول 3 ٹی20 میچوں پر مشتمل سیریز کو ملتوی کردیا۔

میڈیا رپورٹس کے مطابق پاکستان کرکٹ بورڈ (پی سی بی) نے باضابطہ طور پر رائل ڈچ کرکٹ ایسوسی ایشن سے مصروف ترین شیڈول کے باعث ٹی20 میچز پر مشتمل سیریز کو ری شیڈول کرنے کی درخواست کی تھی۔

بورڈ کی درخواست پر پاکستان کا 2024 میں نیدرلینڈ کا دورہ غیر معینہ مدت کے لیے ملتوی کردیا گیا ہے۔

مزید پڑھیں: دورہ آسٹریلیا؛ کون کون سے کھلاڑی ریکارڈز بناسکتے ہیں؟


پاکستانی ٹیم کو مئی 2024 میں نیدرلینڈز کے خلاف 3 ٹی20 انٹرنیشنل میچز کھیلنا تھے، اس ٹور کے دوران انگلینڈ کیخلاف 4 اور آئرلینڈ کے خلاف بھی 3 میچز بھی شامل ہیں۔

مزید پڑھیں: دورۂ آسٹریلیا کے لیے پاکستان کی 18 رکنی ٹیسٹ ٹیم کا اعلان

دونوں کرکٹ بورڈز سیریز کو ری شیڈول کرنے کیلئے متبادل آپشنز پر غور کررہے ہیں۔

نیدرلینڈز کرکٹ بورڈ کے ہائی پرفارمنس مینیجر دورہ ملتوی ہونے مایوسی کا اظہار کرتے ہوئے کہا کہ مصروف شیڈول کی وجہ سے پلئیرز تھکاؤٹ کا شکار ہوں گے تاہم کوشش کریں گے کہ نئی ونڈو جلد مل جائے۔