کوئٹہ اور پشین سمیت بلوچستان کے مختلف علاقوں میں زلزلے کے جھٹکے
کوئٹہ اور گردونوح میں درمیانے شدت کے زلزلے محسوس کیے گئے جس کے بعد عوام میں خوف و ہراس بھیل گیا اور وہ اپنے گھروں سے باہر نکل آئے: فائل فوٹو
بلوچستان کے مختلف علاقوں میں زلزلے کے جھٹکے محسوس کئے گئے تاہم کسی جانی و مالی نقصان کی اطلاعات موصول نہیں ہوئیں۔
ایکسپریس نیوز کے مطابق کوئٹہ اور پشین سمیت صوبے کے دیگر اضلاع میں زلزلے کے جھٹکے محسوس کئے گئے، ریکٹر اسکیل پر زلزلے کی شدت 4 ریکارڈ کی گئی۔ زلزلے کے جھٹکوں پر لوگوں میں خوف و ہراس پھیل گیا اور وہ اپنے گھروں، دفاتر اور دکانوں سے باہر نکل آئے، اس موقع پر مساجد سے اذانوں کا سلسلہ شروع ہوگیا اور لوگوں کو کھلے مقامات پر جانے کی اپیل کی جاتی رہی، ابتدائی رپورٹس کے مطابق زلزلے سے کسی بھی قسم کا جانی یا مالی نقصان نہیں ہوا۔
واضح رہے کہ 16 مئی کو بھی بلوچستان کے مختلف علاقوں میں زلزلے کے جھٹکے محسوس کئے گئے تھے جس کی شدت ریکٹر اسکیل پر 4.9 ریکارڈ کی گئی تھی۔