سلمان خان کی پھٹے ہوئے پُرانے جوتے پہن کر تقریب میں شرکت مداح حیران
فوٹو: بھارتی میڈیا
سلمان خان اپنی حال ہی میں ریلیز ہونے والی میگا تھرلر ایکشن فلم "ٹائیگر 3" کی شاندار کامیابی پر کافی خوش ہیں کیونکہ اُن کی اس فلم نے مجموعی طور پر 400 کروڑ سے زیادہ کا بزنس کرلیا ہے۔
"ٹائیگر 3" کی ریلیز کے بعد سلمان خان کو اُن کی بھانجی علیزے اگنی ہوتری کی ڈیبیو فلم 'فرّے' کے پریمیئر کی تقریب میں دیکھا گیا ہے، یہ تقریب 22 نومبر بدھ کی رات منعقد کی گئی تھی۔
اس تقریب کی ایک تصویر سوشل میڈیا پر وائرل ہورہی ہے جس میں سلمان خان کو "ٹائیگر 3" کی اپنی ساتھی اداکارہ کترینہ کیف اور ایک دوسری خاتون کے ساتھ بینچ پر بیٹھے دیکھا جاسکتا ہے۔
یہ تصویر جیسے ہی سوشل میڈیا پر وائرل ہوئی تو سلمان خان کے پُرانے اور پھٹے ہوئے جوتے مداحوں کی توجہ کا مرکز بن گئے جبکہ دبنگ اسٹار کے یہ جوتے پہننے کی اصل وجہ سامنے نہیں آسکی۔
سلمان خان کے پُرانے اور پھٹے ہوئے جوتوں پر مداحوں کا ردعمل:
arey yar salman kitna unserious h
Ye naya style na bann jaye
واضح رہے کہ "ٹائیگر 3" کو رواں ماہ دیوالی کے موقع پر ریلیز کیا گیا تھا، فلم تین زبانوں ہندی، تامل اور تیلگو میں ریلیز ہوئی۔
مزید پڑھیں: سلمان خان کی "ٹائیگر 3" 400 کروڑ کے کلب میں داخل
فلم میں جہاں سلمان خان نے جاسوس ایجنٹ کا کردار ادا کیا ہے تو وہیں کترینہ کیف بھی زویا نامی جاسوس کے کردار میں نظر آئیں جبکہ عمران ہاشمی نے فلم میں وِلن کا کردار نبھایا ہے۔