’ڈنکی‘ کا مطلب کیا ہے شاہ رخ خان کی مداح کو دلچسپ انداز میں وضاحت
فلم ایک کامیڈی ڈراما ہے جس میں غیرقانونی طور پر بیرون ملک جانے والے مسئلے کو موضوع بنایا گیا ہے
بالی وڈ کنگ شاہ رخ خان کیلئے 2023 انڈسٹری پر حکمرانی کا سال رہا اور لگاتار دو فلموں 'پٹھان' اور 'جوان' نے باکس آفس پر نئے ریکارڈ قائم کیے۔
'پٹھان' اور 'جوان' کی شاندار کامیابی کے بعد اب اُن کی تیسری فلم "ڈنکی" کی ریلیز کی تیاریاں زور و شور سے جاری ہیں اور اداکار کے مداح بھی بےصبری سے اس فلم کی ریلیز کا انتظار کررہے ہیں۔
فلم کے منفرد ٹائٹل کی وجہ سے اداکار کے اکثر مداح تذبذب کا شکار ہیں اور اب شاہ رخ خان نے خود ہی اس کی وضاحت کردی ہے۔
سماجی رابطے کی ویب سائٹ ایکس پر مختصر سیشن میں ایک مداح کے سوال پر اداکار نے لکھا 'ڈنکی غیر قانونی طور پر سرحدوں کو پار کرنے کا ایک طریقہ ہے'۔
شاہ رخ خان نے مزید لکھا کہ 'ڈنکی' کا تلفظ فنکی (Funky)، ہنکی Hunky اور منکی Monkey کی طرح ہے۔
' ڈنکی' 21 دسمبر کو سینما گھروں میں پیش کی جائی گی، مبینہ طور فلم ایک کامیڈی ڈراما ہے جس میں غیرقانونی طور پر بیرون ملک جانے والے مسئلے کو موضوع بنایا گیا ہے جبکہ شاہ رخ خان 'ڈنکی' میں بالکل مختلف روپ میں دکھائی دیں گے جو ان کے مداحوں کو بہت پسند آئے گا۔