بابراعظم کی رضوان کو بیٹ سے مارنے کی کوشش ویڈیو وائرل

قومی ٹیم دورہ آسٹریلیا کیلئے راولپنڈی میں پریکٹس میچ کھیل رہی ہے

ویب ڈیسک November 26, 2023

قومی ٹیم دورہ آسٹریلیا کیلئے راولپنڈی میں پریکٹس میچ کھیل رہی ہے (فوٹو: اسکرین شارٹ)

سابق کپتان بابراعظم کی وکٹ کیپر محمد رضوان کی مراحیہ ویڈیو سوشل میڈیا پر تیزی سے وائرل ہونے لگی۔

دورہ آسٹریلیا کیلئے راولپنڈی کرکٹ اسٹیڈیم میں 4 روزہ شیڈول پریکٹس میچ میں سابق کپتان بابراعظم کو اوور کے اختتام پر محمد رضوان نے وکٹ کے پیچھے سے آؤٹ کرنے کی کوشش کی اور اپیل کرتے نظر آئے، جس پر بابر نے انہیں کچھ دیر دیکھا بعدازاں انکے پیچھے بیٹ لیکر بھاگے کی ویڈیو سوشل میڈیا پر وائرل ہوگئی۔

دوسری جانب پریکٹس میچ کے دوران کپتان شان مسعود 101 اور بابراعظم 71 رنز بناکر ریٹائرڈ ہوگئے تھے جبکہ سرفراز احمد 19 اور سعود شکیل 44 رنز بناکر بیٹنگ کررہے تھے۔

مزید پڑھیں: بابراعظم کے کپتانی چھوڑنے کے اعلان پر رضوان کا ردعمل

صائم ایوب 35 رنز بناکر آؤٹ ہوئے تھے جبکہ 63 اوورز میں دو وکٹوں کے نقصان پر 298 رنز بنالیے ہیں۔ خرم شہزاد اور عامر جمال نے ایک ایک وکٹ حاصل کی تھی۔

مزید پڑھیں: دورہ آسٹریلیا؛ کون کون سے کھلاڑی ریکارڈز بناسکتے ہیں؟

واضح رہے کہ دورہ آسٹریلیا کی قومی ٹیم کا 4 روزہ پریکٹس راولپنڈی میں کھیلا جارہا ہے۔