آئی سی سی نے ورلڈ کپ کیلیے خصوصی کرکٹ ایپلی کیشن متعارف کرادی

شائقین میچ کی ویڈیو جھلکیوں کے ساتھ آڈیو کمنٹری بھی سن سکتے ہیں۔ فوٹو: اے ایف پی

---

آئی سی سی نے ٹوئنٹی 20 ورلڈ کپ کیلیے خصوصی کرکٹ ایپلی کیشن متعارف کرادی جس کے ذریعے دنیا بھر کے شائقین اپنے اسمارٹ فونز پر میگا ایونٹ کے تمام ایکشنز ڈائون لوڈ کرسکتے ہیں، انٹرنیشنل کرکٹ کونسل نے یہ ایپلی کیشن اپنے بھارتی اسپانسر موبائل کمپنی کی شراکت سے متعارف کرائی۔

شائقین میچ کی ویڈیو جھلکیوں کے ساتھ آڈیو کمنٹری بھی سن سکتے ہیں جبکہ میچ سے ہٹ کر کھلاڑیوں کی پریکٹس اور دیگر سرگرمیوں سے متعلق خصوصی ویڈیوز بھی بالکل مفت دیکھی جا سکتی ہیں۔

اس کے ساتھ وہ اس کے ذریعے ایونٹ کے دوران مختلف پولز میں ووٹ بھی دے سکتے ہیں۔اس ایپلی کیشن کو آئی سی سی کی آفیشل ویب سائٹ سے ڈائون لوڈ کیا جاسکتا ہے۔