دورہ آسٹریلیا رضوان کھیلیں گے یا سرفراز کو موقع ملے گا کپتان نے بتادیا

گزشتہ ہوم سیریز میں سابق کپتان سرفراز کی کارکردگی بہترین رہی، فرسٹ چوائس ہونگے، شان مسعود

ویب ڈیسک November 29, 2023

گزشتہ ہوم سیریز میں سابق کپتان سرفراز کی کارکردگی بہترین رہی، فرسٹ چوائس ہونگے، شان مسعود (فوٹو: ایکسپریس ویب)

قومی کرکٹ ٹیم کے ٹیسٹ کپتان شان مسعود نے آسٹریلیا کے خلاف سیریز کیلئے سرفراز احمد کو پہلی چوائس قرار دیدیا۔

راولپنڈی میں پریس کانفرنس کرتے ہوئے نو منتخب ٹیسٹ کپتان شان مسعود نے کہا کہ نیوزی لینڈ کے خلاف آخری ہوم سیریز میں سرفراز احمد نے شاندار کارکردگی کا مظاہرہ کیا تھا، انکی جگہ پکی ہے وہ ٹیم میں سیٹلڈ وکٹ کیپر بیٹر ہیں۔

آسٹریلیا میں شاندار ٹریک ریکارڈ کا حوالہ دیتے ہوئے محمد رضوان کی ممکنہ بیٹنگ کے بارے میں کہا کہ بطور بیٹر پلئینگ الیون کا حصہ ہوسکتے ہیں۔ قومی ٹیم نے آخری بار آسٹریلیا کا دورہ کیا تھا تو وہ سب سے زیادہ اسکور کرنے والوں میں سے ایک تھے۔

مزید پڑھیں: کپتانی کا کوئی دباؤ نہیں! سرفراز، بابراعظم سے مشورے لوں گا، شان مسعود

شان مسعود نے ایک اضافی اسپنر کا بھی ذکر کرتے ہوئے کہا کہ کنڈیشنز کو مدنظر رکھتے ہوئے پلئینگ الیون کا حتمی فیصلہ کریں گے جبکہ یہ صورتحال بھی زیر غور ہے کہ پچ کو دیکھیں گے ورنہ ایک اسپنر کی جگہ بیٹر کو ٹیم میں شامل کریں گے۔