بتایا جا رہا ہے 3 مرتبہ کا وزیراعظم چوتھی بار اقتدار میں آکرملک کو مشکلات سے نکالے گا بلاول

عمر سے کوئی فرق نہیں پڑتا بزرگ بھی نئی طرز کی سیاست کرسکتے ہیں، بلاول بھٹو:اسکرین گریب

---

چئیرمین پاکستان پیپلز پارٹی بلاول بھٹو زرداری کا کہنا ہے کہ ہمیں بتایا جا رہا ہے 3 مرتبہ وزیراعظم رہنے والے چوتھی مرتبہ اقتدار میں آکر ملک کو مشکلات سے نکالیں گے۔

کوئٹہ میں بلوچستان ہائی کورٹ بار ایسوسی ایشن سے خطاب کررہے میں چیئرمین پیپلز پارٹی بلاول بھٹو زرداری نے کہا کہ پاکستان میں الیکشنز کیسے ہوتے ہیں میں یہ جانتا ہوں اور یہ بھی جانتا ہوں کہ پاکستان کے عوام جب جاگ جاتے ہیں اور فیصلہ کرلیتے ہیں تو دنیا کی کوئی طاقت ان کا راستہ نہیں رو سکتی۔

بلاول بھٹو کا مزید کہنا تھا کہ 8 فروری کو الیکشن ہونے جارہے ہیں۔ ہمیں بتایا جا رہا ہے جو 3 دفعہ وزیراعظم بنے وہ چوتھی بار وزیراعظم بن کر ملک کو مشکلات سے نکالیں گے ۔

یہ بھی پڑھیں :ن لیگ ناکام ہوچکی یہ سیاست کے شوباز ہیں، بلاول بھٹو

 

دوسری طرف بتایا جا رہا ہےکہ چند سال قبل جس شخص نے وزیراعظم ہوتے ہوئے لاپتا افراد کے مسئلے کو نظر انداز کیا 70 سالہ نوجوانوں کا لیڈر یہی ملک کے اور عوام کے آپشنز ہیں۔

"پاکستان کے عوام جب جاگ جاتے ہیں تو پھر دنیا کی کوئی طاقت انکا راستہ روک نہیں سکتی، کچھ لوگ سمجھتے ہیں کہ انہوں نے آپ کا فیصلہ لے لیا ہے مگر میری آپ سے درخواست ہے کہ آپ ان سب کو 8 فروری کو سرپرائیز دیں۔"
چیئرمین پاکستان پیپلز پارٹی بلاول بھٹو زرداری@BBhuttoZardari pic.twitter.com/UQCx5meikS

- PPP (@MediaCellPPP) December 1, 2023

انہوں نے کہا کہ میرا یہ اعتراض نہیں کہ یہ بزرگ بن چکے ہیں عمر سے کوئی فرق نہیں پڑتا۔ آپ بزرگ ہو کر ایک نئی سیاست اور ایک نئی سمت اس ملک کو دے سکتے ہیں اور آپ نوجوان ہو کر بھی پرانی سیاست سے دلچپسی رکھ سکتے ہیں۔

چئیرمین پی پی پی نے کہا کچھ لوگ سمجھتے ہیں کہ انہوں نے عوام کا فیصلہ لے لیا ہے مگر میری آپ سے درخواست ہے کہ آپ ان سب کو 8 فروری کو سرپرائز دیں۔ بڑی تعداد میں نکلیں اور اپنے ووٹ کا استعمال کریں۔ ملک کی قسمت ان 2 افراد کے حوالے نہ کریں جن کی پرانی طرز سیاست نفرت کی سیاست ، تقسیم کی سیاست مسائل کو نظر انداز کی سیاست اور وہ سیاست جس نے میرا اور آپ کا خون سستا کردیا ہے ان کو پھر سے موقع نہ دیں۔