سنگیتا کو بچگانہ حرکتوں سے باز آجانا چاہیے میرا

اداکارہ میرا نے کہا ہے کہ ہدایتکارہ سنگیتا کو اپنی بچگانہ حرکتوں سے باز آجانا چاہیے، وہ میرے خلاف ایسی باتیں کر کے صرف سستی شہرت حاصل کرنا چاہتی ہیں ، انھیں چاہیے کہ وہ اپنی عمر کا لحاظ کریں اور اس طرح کے اوچھے ہتھکنڈے کرنا چھوڑ دیں۔


ٹیلیفون پر '' این این آئی'' سے خصوصی گفتگو کرتے ہوئے اداکارہ میرا نے ہدایتکار ہ سنگیتا کے بیان پر اپنے ردعمل کا اظہار کرتے ہوئے کہا کہ سنگیتا اب دادی ،نانی بن چکی ہیں انھیں چاہیے کہ وہ بڑے پن کا مظاہرہ کریں ۔ پاکستان فلم انڈسٹری کی تباہی میں دیگر لوگوں کے ساتھ سنگیتا کا بھی برابر کا حصہ ہے انھیں چاہیے کہ وہ اپنی عمر کا خیال کرتے ہوئے اس شعبے کو چھوڑ کر اللہ توبہ کریں اور نوجوان نسل کو اس طرف آنے دیں۔
https://www.dailymotion.com/video/x1w79ng?