ڈنکی کی ریلیز سے قبل 24 بچوں کے باپ کی شاہ رخ خان کو دھمکی

'ڈنکی' محبت اور دوستی کی ایک ایسی کہانی ہے جسے جذباتی کہانی اور کامیڈی مناظر کے ساتھ لوگوں کے سامنے پیش کیا جائے گا

ویب ڈیسک December 03, 2023

’ ڈنکی‘ 21 دسمبر کو سینما گھروں میں پیش کی جائی گی : فوٹو : فائل

بالی ووڈ کے میگا اسٹار شاہ رخ خان کی نئی آنے والی فلم "ڈنکی" کی ریلیر سے قبل اُنہیں 24 بچوں کے باپ نے بھاری نقصان کی دھمکی دے دی۔

شاہ رخ خان اکثر سماجی رابطے کی ویب سائٹ ایکس (سابق ٹوئٹر) پر اپنے مداحوں کے لیے سوال و جواب کا سیشن رکھتے ہیں جس میں وہ مداحوں کی جانب سے پوچھے جانے والے تمام سوالات کے جواب دیتے ہیں۔

اب شاہ رخ خان نے اپنی فلم "ڈنکی" کی ریلیز سے قبل ایک بار پھر ایکس پر "ASK SRK" سیشن رکھا جس میں ایک مداح نے اداکار کو ایسی انوکھی دھمکی دی کہ وہ مداح کو جواب دینے پر مجبور ہوگئے۔

مزید پڑھیں: شاہ رخ خان کی فلم "ڈنکی" کا ٹیزر ریلیز

عبدالرحمٰن نامی مداح نے شاہ رخ خان سے مخاطب ہوتے ہوئے دھمکی دی کہ "مجھ سے محبت کریں ورنہ میں اپنی 4 بیویوں، 24 بچوں اور 50 پڑوسیوں کو ڈنکی دیکھنے کی اجازت نہیں دوں گا"۔

مداح نے دھمکی دینے کے بعد شاہ رخ خان سے پوچھا کہ "کیا آپ اتنا بڑا نقصان برداشت کر سکیں گے؟"

شاہ رخ خان نے مداح کی مزاحیہ دھمکی کا جواب دیتے ہوئے کہا کہ "بھائی تو ویسے ہی اتنا مصروف رہتا ہوگا، کہاں ملے گا وقت کچھ بھی اور کرنے کا"۔

اداکار نے مزید کہا کہ "اپنے بچوں اور بیگمات کے ساتھ وقت گُزارو، بچوں کے ساتھ پیار سے پیش آوْ اور اپنی ساری بیویوں کو فلم 'ڈنکی' دکھانے لے کر جانا"۔

Bhai tu waise hi itna busy rehta hoga kahaan milega time kuch bhi aur karne ka. Please spend time with your kids and wives....play with the kids and take the wives for the film. #Dunki https://t.co/s5ee7jjfCq

- Shah Rukh Khan (@iamsrk) December 2, 2023

واضح رہے کہ 'ڈنکی' محبت اور دوستی کی ایک ایسی کہانی ہے جسے جذباتی کہانی اور کامیڈی مناظر کے ساتھ لوگوں کے سامنے پیش کیا جائے گا۔

فلم میں شاہ رخ خان کے ساتھ تاپسی پنوں، بومن ایرانی، وکی کوشل، وکرم کوچھر اور انیل گروور جسے بہترین اداکار موجود ہیں۔

مزید پڑھیں: شاہ رخ خان کی "ڈنکی" کا پہلا گانا ریلیز ہوتے ہی چھاگیا

'ڈنکی' ایک کامیڈی ڈراما ہے جس میں غیرقانونی طور پر بیرون ملک جانے والے لوگوں کے مسائل کو موضوع بنایا گیا ہے اور اسے 21 دسمبر کو پوری دنیا میں ریلیز کیا جائے گا۔