ورلڈکپ فائنل کیوں ہارے بھارتی کپتان ہیڈکوچ نے ’’پچ‘‘ پر ملبہ ڈال دیا

پچ تبدیلی کے باوجود بھارت کو ایونٹ کے فائنل میں آسٹریلیا سے شکست ہوئی تھی

ویب ڈیسک December 03, 2023

پچ تبدیلی کے باوجود بھارت کو ایونٹ کے فائنل میں آسٹریلیا سے شکست ہوئی تھی (فوٹو: ایکسپریس ویب)

بھارتی ٹیم کے کپتان روہت شرما اور ہیڈکوچ راہول ڈریوڈ آسٹریلیا کے ہاتھوں آئی سی سی ورلڈکپ فائنل میں شکست نہ بھول سکے۔

میڈیا رپورٹس کے مطابق بھارتی کرکٹ بورڈ (بی سی سی آئی) کے اعلیٰ عہدیداران نے دہلی میں ہیڈکوچ راہول ڈریوڈ اور کپتان روہت شرما کیساتھ ویڈیو کال میٹنگ کی جس میں آئی سی سی ورلڈکپ فائنل میں شکست کی وجہ پوچھی گئی۔

اس میٹنگ میں بورڈ کے سکریٹری جے شاہ، نائب صدر راجیو شکلا اور خزانچی آشیش شیلر موجود تھے۔

مزید پڑھیں: بھارت کی جانب سے 'پچ تبدیلی' تنازع میں آئی سی سی کمزور قرار

کوچ راہول ڈریوڈ نے ورلڈکپ فائنل میں شکست کا ملبہ احمد آباد اسٹیڈیم کی پچ پر ڈال دیا جبکہ کپتان روہت شرما نے پچ کو اسپنرز کیلئے سازگار نہ ہونے کا شکوہ کیا۔بھارتی کپتان نے کہا کہ مبینہ طور پر پچ اتنی نہیں بدلی جتنا ٹیم مینجمنٹ نے سوچا تھا۔

مزید پڑھیں: ورلڈکپ فائنل سے قبل تنازع؛ کمنز نے پچ پر اعتراضات اٹھادیئے

واضح رہے کہ آئی سی سی ایونٹس کے دوران ناک آؤٹ مرحلے کیلئے نئی پچز بنائی جاتی ہیں تاہم بھارت نے اپنی ٹیم کو میگا ایونٹ جتوانے کیلئے پرانی پچز پر میچ کروائے اور اسپنرز کیلئے سازگار پچز بنوائیں جس نے مخالف ٹیم کے خلاف کامیابی تناسب بڑھا دیا۔

مزید پڑھیں: آسٹریلیا ناقابل شکست بھارت کو ہرا کر چھٹی بارکرکٹ کا عالمی چیمپئن بن گیا

میچ سے قبل آسٹریلوی کپتان پیٹ کمنز نے احمد آباد کے نریندر مودی اسٹیڈیم کی پچ پر سوال اٹھائے تھے جبکہ گراؤنڈ اسٹاف کے ساتھ انکی بحث بھی ہوئی تھی۔

ایک لاکھ 30 ہزار سے زائد تماشائیوں کی گنجائش رکھنے والے اسٹیڈیم میں بھارت کو ہوم گراؤنڈ کے سامنے آسٹریلیا کے ہاتھوں عبرتناک شکست ہوئی تھی۔