لاہور کرائے کی عدم ادائیگی پر مالک مکان کا خاتون پرڈنڈوں سے تشدد

فوٹو: فائل

---

صوبائی دارالحکومت کے علاقے کاہنہ میں مکان مالک نے کرائے کی عدم ادائیگی پر خاتون پر ڈنڈوں اور سوٹوں سے تشدد کیا جس کی وجہ سے خاتون شدید زخمی ہوگئی، متاثرہ خاتون نے انصاف کیلیے تھانے میں دخواست دے دی۔

ایکسپریس نیوز کے مطابق کاہنہ کے علاقے میں کرایہ دار خاتون کو کرائے کی عدم ادائیگی پر مالک مکان نے ڈنڈوں کے ذریعے دیگر خواتین کے ساتھ مل کر تشدد کا نشانہ بنایا جس کے نتیجے میں خاتون شدید زخمی ہوگئی، جسے بعدازاں ریسکیو 1122 نے طبی امداد کے لیے اسپتال منتقل کیا۔

اس واقعے کی ویڈیو بھی منظر عام پر آگئی جس میں دیکھا جاسکتا ہے کہ مکان مالک کی حمایتی خواتین کرایہ دار خاتون پر تشدد کررہی ہیں اور پھر زخمی خاتون کو سڑک پر پھینک دیا جاتا ہے۔

مالک مکان ارشد نے متاثرہ خاتون کلثوم بی بی کا سامان بھی گھر سے باہر پھینک دیا، جبکہ متاثرین متاثرہ خاتون نے حصول انصاف کے لیے تھانہ کاہنہ میں درخواست دے دی ہے۔

اس سلسلے میں مالک مکان ارشد نے بتایا کہ اس خاتون ( کلثوم بی بی ) نے 3 ماہ کا کرایہ ادا نہیں کیا تھا۔