اوگرا کرپشن کیس 11 ملزمان پرفرد جرم عائد یوسف رضا گیلانی اور راجا پرویزاشرف طلب
دونوں سابق وزرائے اعظم سمیت دیگر 6 ملزمان پر 4 جون کو فردجرم عائد کی جائے گی۔
اوگرا کرپشن کیس میں یوسف رضا گیلانی اور راجا پرویز اشرف کو ملزم کی حیثیت سے نامزد کیا گیا ہے۔ فوٹو: فائل
احتساب عدالت نے اوگرا کرپشن کیس میں نامزد 11 ملزمان پر فرد جرم عائد کردی جبکہ سابق وزرائے اعظم یوسف رضا گیلانی اور راجا پرویز اشرف سمیت 6 ملزمان کو آئندہ سماعت پر طلب کرلیا ہے۔
اوگرا کرپشن کیس کی سماعت راولپنڈی کی احتساب عدالت کے جج محمد بشیر نے کی،سماعت کے دوران نیب پراسیکیوٹر راجہ خرم اعجاز نے عدالت سے استدعا کی کہ ملزمان کے خلاف ثبوت پیش اور گواہیاں مکمل ہوچکی ہیں اور تمام قانونی تقاضے پورے کردیئے گئے ہیں اس لئے تمام ملزمان پرفرد جرم عائد کی جائے،جس پر عدالت نے 12 ملزمان میں سے 11 پر فرد جرم عائد کی گئی، جن افراد پر فرد جرم عائد کی گئی ان میں سابق چیئرمین اوگرا توقیر صادق، عقیل کریم ڈھیڈی، منصورمظفر، عبدالرشید لون، ارسلان اقبال، یوسف جے، میرکمال، فرید بجرانی، جواد جمیل، ضیا، سکندر حیات میکن اور ظہیر صادق شامل ہیں جبکہ مرزا محمود کا نام ریفرنس سے خارج کردیا گیا۔
عدالت نے کیس کی سماعت 4 جون تک ملتوی کرتے سابق وزرائے اعظم یوسف رضا گیلانی اور راجا پرویز اشرف سمیت دیگر 6 ملزمان کو طلب کرلیا جن پر آئندہ سماعت میں فردجرم عائد کی جائے گی۔
اوگرا کرپشن کیس کی سماعت راولپنڈی کی احتساب عدالت کے جج محمد بشیر نے کی،سماعت کے دوران نیب پراسیکیوٹر راجہ خرم اعجاز نے عدالت سے استدعا کی کہ ملزمان کے خلاف ثبوت پیش اور گواہیاں مکمل ہوچکی ہیں اور تمام قانونی تقاضے پورے کردیئے گئے ہیں اس لئے تمام ملزمان پرفرد جرم عائد کی جائے،جس پر عدالت نے 12 ملزمان میں سے 11 پر فرد جرم عائد کی گئی، جن افراد پر فرد جرم عائد کی گئی ان میں سابق چیئرمین اوگرا توقیر صادق، عقیل کریم ڈھیڈی، منصورمظفر، عبدالرشید لون، ارسلان اقبال، یوسف جے، میرکمال، فرید بجرانی، جواد جمیل، ضیا، سکندر حیات میکن اور ظہیر صادق شامل ہیں جبکہ مرزا محمود کا نام ریفرنس سے خارج کردیا گیا۔
عدالت نے کیس کی سماعت 4 جون تک ملتوی کرتے سابق وزرائے اعظم یوسف رضا گیلانی اور راجا پرویز اشرف سمیت دیگر 6 ملزمان کو طلب کرلیا جن پر آئندہ سماعت میں فردجرم عائد کی جائے گی۔