چیف الیکشن کمشنر سکندر سلطان راجا نے خیبرپختونخوا میں الیکشن کی تیاریوں پراطمینان کا اظہار کیا ہے۔

عام انتخابات کی تیاریوں سے متعلق چیف الیکشن کمشنر سکندر سلطان راجا نے الیکشن کمیشن سیکریٹریٹ اسلام آباد میں نگراں وزیراعلیٰ خیبرپختونخوا جسٹس (ر )ارشد حسین شاہ سے ملاقات کی۔

نگراں وزیراعلیٰ کے پی نے چیف الیکشن کمشنر کو الیکشن کی تیاریوں پر بریفنگ دی۔ سکندر سلطان راجا نے الیکشن کی تیاریوں پر اطمینان کا اظہار کیا۔ ملاقات میں دونوں شخصیات نے الیکشن سے متعلق دیگر امور اور مجموعی صورتحال پر بھی تبادلہ خیال کیا۔