فلسطین کے بچوں کو کھانے کی اشیاء والے کھلونے دینے پر اُشنا شاہ بھڑک اُٹھیں

اُشنا شاہ اپنے سوشل میڈیا پلیٹ فارمز کا استعمال کرتے ہوئے بےگناہ اور معصوم فلسطینیوں کی آواز بنی ہوئی ہیں : فوٹو : ویب ڈیسک

---

پاکستان شوبز انڈسٹری کی معروف اداکارہ اُشنا شاہ نے غزہ کے بچوں کو 'کھانے کی طرح دِکھنے والے کھلونے' دینے پر شدید غصے کا اظہار کرتے ہوئے اسے انتہائی فضول مذاق قرار دیا ہے۔

سماجی رابطے کی ویب سائٹ ایکس (سابق ٹوئٹر) پر ایک فلسطینی صحافی نے ایک تصویر پوسٹ کی جس میں کھانے کی طرح دِکھنے والے بچوں کے کھلونے ایک شاپر میں پیک ہیں۔

ایکس پر پوسٹ کی گئی تصویر میں دیکھا جاسکتا ہے کہ کھانے کی طرح دکھنے والے کھلونوں میں دودھ کا پیکٹ، چکن نگٹس، برگر، آئس کریم اور فرنچ فرائز پیک ہوئے ہیں۔

فلسطینی صحافی نے اپنی پوسٹ میں کہا کہ "اقوام متحدہ نے ہمارے بچوں کو اصلی کھانا دینے کے بجائے یہ کھانے کی طرح دِکھنے والے کھلونے دیے ہیں"۔

Instead of giving our children food,

The UN is giving them toys that look like food. #Gaza pic.twitter.com/7tA4tNv9aX

- Muhammad Smiry (@MuhammadSmiry) December 7, 2023

صحافی کی پوسٹ پر ردعمل دیتے ہوئے پاکستانی اداکارہ اُشنا شاہ نے اقوام متحدہ کی اس حرکت پر شدید برہمی کا اظہار کیا۔ اُشنا شاہ نے کہا کہ "کیا کوئی اس بات کی تصدیق کرسکتا ہے کہ یہ انتہائی گھٹیا اور احمقانہ مذاق واقعی میں اقوامِ متحدہ کی طرف سے کیا گیا ہے؟"

اداکارہ نے مزید کہا کہ "کیا یہاں کوئی مقابلہ ہورہا ہے کہ غزہ کے بچوں اور شہریوں کے ساتھ بدترین سلوک کرنے میں کون سی تنظیم سب سے زیادہ نیچے گر سکتی ہے؟"

Can someone verify this? And to add even more insult to injury this is made to look like a McDonald's meal. Is this the UN's idea of a sick joke? Is there a competition as to which organisation can stoop the lowest? https://t.co/ZVJG5NSlxB

- Ushna Shah (@ushnashah) December 7, 2023

واضح رہے کہ غزہ میں لاکھوں افراد بجلی، پانی اور خوراک کے بغیر زندگی بسر کرنے پر مجبور ہیں، اسرائیل کی جانب سے لگائی گئی پابندیوں کی وجہ سے غزہ میں صورتحال مزید سنگین ہوگئی ہے۔

مزید پڑھیں: فلسطین کی حمایت پر اُشنا شاہ کا انسٹاگرام اکاؤنٹ "شیڈوبین" ہوگیا

غزہ میں 7 اکتوبر سے جاری اسرائیلی حملوں میں اب تک 17 ہزار سے زائد فلسطینی شہید ہوچکے ہیں۔