خضدار میں بم دھماکا سی ٹی ڈی پولیس افسر شہید

نگراں وزیر اعلٰی بلوچستان میر علی مردان خان ڈومکی نے واقعے کی رپورٹ طلب کرلی

ویب ڈیسک December 10, 2023

نگراں وزیر اعلٰی بلوچستان میر علی مردان خان ڈومکی نے واقعے کی رپورٹ طلب کرلی

بلوچستان کے شہر خضدار میں زوردار بم دھماکا ہوا جس میں محکمہ انسداد دہشت گردی (سی ٹی ڈی) کا افسر شہید ہوگیا۔

پولیس ذرائع کے مطابق دھماکہ سلطان ابراہیم چوک کے علاقے میں ہوا۔ واقعے میں شہید ہونے والے اہلکار کی شناخت سی ٹی ڈی کے ایس ایچ او مراد بخش جاموٹ کے نام سے ہوئی۔

واقعے کی اطلاع ملتے ہی لیویز فورس کی بھاری نفری نے علاقے کو گھیرلیا اور ملوث افراد کی تلاش شروع کردی۔

نگراں وزیر اعلٰی بلوچستان میر علی مردان خان ڈومکی نے واقعے کی رپورٹ طلب کرلی۔ انہوں نے شہید پولیس افسر مراد جاموٹ کو خراج عقیدت پیش کیا اور ورثاء سے اظہار تعزیت کیا۔

انہوں نے کہا کہ ملوث عناصر کو گرفتار کرکے کیفر کردار تک پہنچایا جائے، واقعے کی تحقیقات کرکے فوری رپورٹ پیش کی جائے۔

خضدار سلطان ابراہیم روڈ پر دھماکہ، دھماکے میں سی ٹی ڈی اہلکار مراد شہید دو راہگیر زخمی pic.twitter.com/0sEpkXw5NF

- Nazir Shah (@SsyedHhussain) December 10, 2023