ثالثی کارروائی میں ترک کمپنی کے ساتھ تصفیے کا معاہدہ

ثالثی کارروائی میں ترک کمپنی کے ساتھ تصفیے کا معاہدہ طے پا گیا۔

آئی سی ایس آئی ڈی (بین الاقوامی تنازعات یونٹ)میں طویل عرصے سے زیر التوا ثالثی کی کارروائی میں ترک کمپنی کے ساتھ تصفیے کا معاہدہ طے پا گیا۔

معاہدے پر دستخط کی تقریب، وزارت قانون و انصاف میں منعقد ہوئی، جس میں سیکریٹری قانون و انصاف نعیم اکبر خان اور ترک سفارتخانے کے نمائندے شریک ہوئے۔


یہ بھی پڑھیں: اقتصادی رابطہ کمیٹی کا اجلاس، ترک کمپنی کارکے سے تصفیہ معاہدے کی منظوری

ترک سفارتخانے کے نمائندے نے پاکستان اور ترکی کے مضبوط برادرانہ تعلقات اور تنازعات کو گفت و شنید سے حل کیے جانے پر روشنی ڈالی، جس سے مستقبل میں سرمایہ کاری کے لیے ایک مثبت ماحول پیدا ہوتا ہے۔

غیر ملکی ترک کمپنی نے تنازعے کے حل کے لیے وزارت قانون و انصاف، بورڈ آف انوسٹمنٹ اور بین الاقوامی تنازعات یونٹ کی لگن کاوشوں کا بھی اعتراف کیا۔