فلسطینیوں کی حمایت عثمان خواجہ کے ردعمل پر کرکٹ آسٹریلیا کا جواب آگیا

بورڈ کرکٹر کی ذاتی رائے کی حمایت کرتا ہے لیکن کھلاڑی قوانین پر عمل کریں، کرکٹ آسٹریلیا

ویب ڈیسک December 13, 2023

بورڈ کرکٹر کی ذاتی رائے کی حمایت کرتا ہے لیکن کھلاڑی قوانین پر عمل کریں، کرکٹ آسٹریلیا (فوٹو: ایکسپریس ویب)

پرتھ ٹیسٹ میچ سے قبل فلسطینیوں کی حمایت والے جوتے پہننے پر عثمان خواجہ کے ردعمل پر کرکٹ آسٹریلیا نے بیان جاری کردیا۔

کرکٹ آسٹریلیا کی جانب سے جاری کردہ اعلامیے میں کہا گیا ہے کہ بورڈ کرکٹرز کی ذاتی رائے کی حمایت کرتا ہے، اس حوالے سے آئی سی سی کے قوانین موجود ہیں، جو ذاتی پیغامات کے اظہار سے منع کرتے ہیں ہم توقع رکھتے ہیں کہ کھلاڑی قوانین پر عمل کریں گے۔

عثمان خواجہ نے پہلے ٹیسٹ سے قبل فلسطینیوں کے حق میں آواز بلند کرنے والے جوتے پہن رکھے تھے، جس پر آزادی سب کا حق اور تمام زندگیاں برابر ہیں کے نعرے درج تھے۔

مزید پڑھیں: عثمان خواجہ نے ٹریننگ سیشن کے دوران فلسطینیوں کے حق میں آواز بلند کردی

میڈیا رپورٹس میں دعویٰ کیا گیا ہے کہ ٹیسٹ کرکٹر عثمان خواجہ فلسطین کی حمایت میں لکھے ہوئے جملے والے جوتے پاکستان کے خلاف پرتھ ٹیسٹ میچ میں بھی پہنیں گے۔

مزید پڑھیں: رضوان کے فلسطینیوں کیساتھ اظہار یکجہتی پر صہیونی ریاست آگ بگولہ

واضح رہے کہ پاکستان اور آسٹریلیا کے درمیان پرتھ ٹیسٹ میچ 14 دسمبر سے شروع ہوگا۔