’’طویل عرصے بعد پاکستان کو حقیقی فاسٹ بولر کے بغیرٹیسٹ میچ کھیلتے دیکھا‘‘

بھارتی کمنٹیٹر ہرشا بھوگلے کا پاکستانی بالنگ اٹیک پر طنز

ویب ڈیسک December 14, 2023

بھارتی کمنٹیٹر ہرشا بھوگلے کا پاکستانی بالنگ اٹیک پر طنز (فوٹو: ایکسپریس ویب)

معروف بھارتی کمنٹیٹر ہرشا بھوگلے نے دورہ آسٹریلیا پر موجود پاکستانی ٹیم کے بالنگ اٹیک پر طنز کردیا۔

سماجی رابطے کی سائٹ ٹوئٹر (ایکس) پر ٹوئٹ کرتے ہوئے بھارتی کمنٹیٹر ہرشا بھوگلے نے لکھا کہ ''طویل عرصے بعد پاکستانی کرکٹ ٹیم کو بغیر تیز رفتار فاسٹ بولر کے ٹیسٹ کرکٹ کھیلتے دیکھ رہا ہوں''۔

پرتھ ٹیسٹ میچ کے پہلے پاکستانی بالرز کو آسٹریلیا کی پہلی وکٹ 30 ویں اوور میں ملی تھی جب عثمان خواجہ شاہین شاہ آفریدی کا شکار بنے تھے جبکہ دوسری وکٹ 37 ویں اوور میں فہیم اشرف نے حاصل کی تھی۔

مزید پڑھیں: پرتھ ٹیسٹ؛ بابراعظم نے اہم سنگ میل عبور کرلیا

واضح رہے کہ پرتھ ٹیسٹ میچ میں آسٹریلیا نے پاکستان کیخلاف ٹاس جیت کر پہلے بیٹنگ کرنے کا فیصلہ کیا تھا۔