جنوبی کوریا کے سائنس دانوں کے بنائے گئے کتے سے مشابہت رکھنے والے روبوٹ نے 19.87 سیکنڈوں میں 328 فٹ کا فاصلہ طے کر کے چار ٹانگوں والے تیز ترین روبوٹ کا اعزاز اپنے نام کر لیا۔

گینیز ورلڈ ریکارڈز کے مطابق کوریا کی دی ڈائنامک روبوٹ کنٹرول اینڈ ڈیزائن لیبارٹری کے بنائے گئے کتے نما روبوٹ نے کم وقت میں 100 میٹر کا فاصلہ طے کرنے کا ریکارڈ اپنے نام کیا۔

روبوٹ نے یہ فاصلہ 18.12 کلومیٹر فی گھنٹے کی اوسط رفتار سے طے کیا۔

روبوٹ کے ڈیزائنر ینگ ہا شِن نے گینیز ورلڈ ریکارڈز سے گفتگو کرتے ہوئے کہا کہ سمیولیشن میں یہ اس سے بھی زیادہ رفتار پر جا سکتا ہے لیکن اس کو ابھی حقیقی دنیا میں آزمایا نہیں گیا ہے۔